स्याङ्जाका ९ सहित गण्डकी प्रदेशमा आज मात्रै थपिए ७७ जना ।

खगीन्द्र पौडेल,

असार ४,स्याङ्जा :
गण्डकी प्रदेशमा स्याङ्जाका ९ जना सहित आज मात्रै ७७ जना संक्रमित थपिएकाछन् । यो सँगै गण्डकीमा संक्रमितको संख्या ३२४ पुगेको हो ।
थपिनेमा स्याङ्जाका ९ जना रहेकाछन् । जसमा आँधीखोला गाँउपालिकाका २ महिला सहित ४ जना र कालिगढडकी गाँउपालिकाका ५ जना रहेकाछन् ।
तयस्तै पर्बतका ४ जना तनहुँका ३ जना नवलपरासी सुस्ता पूर्बका १३ जना र बाग्लुङका १ जना रहेकाछन् ।
उनीहरु सबै भारतबाट फर्किएका निर्देशनालयले जनाएको छ ।
उनीहरु सबैलाई आईसोलेसनमा लैजाने तयारी भईरहेको गण्डकी प्रदेशका स्वास्थ्य निर्देशक एबं प्रदेश कोरोना नियन्त्रण तथा रोकथाम कार्यक्रमका प्रबक्ता बिनोद बिन्दु शर्माले जानकारी दिनुभयो ।
गण्डकी प्रदेशका कोरोना संक्रमित ३२४ मध्ये २२ जना निको भएर घर फर्किएकाछन् भने १ जनाको निधन भईसकको छ ।