पर्बतमा थपिए ५ जना संक्रमित, गण्डकी प्रदेशमा सङ्क्रमित २९४ पुगे

स्याङ्जा :
गण्डकी प्रदेशमा फेरी ५ जना संक्रमित थपिएकाछन् । प्रदेश स्वास्थ्य निर्देशनालयले आठ बजे निकालेको प्रेस बिज्ञप्ती अनुशार नयाँ थपिने पाँचै जना पर्बतका हुन् । यस अघि आजै बिहान गण्डकी प्रदेशमा ४२ जना संक्रमित थपिएका थिए । यो सँगै गण्डकीमा संक्रमितको संख्या २९४ पुगेको हो ।
थपिनेमा पर्बत जिल्लाका १ महिला सहित ५ जना रहेकाछन् । कुस्मा नगरपालिकाका २० बर्षका महिला र ४२ बर्षका परुष त्यस्तै मोदि गाँउपालिकाका ३० बर्षका पुरुष र फलेबास नगरपालिकाका३० र ३७ बर्षका २ जना पुरुषमा संक्रमण पुष्टी भएको हो ।
उनीहरु सबैलाई आईसोलेसनमा लैजाने तयारी भईरहेको गण्डकी प्रदेशका स्वास्थ्य निर्देशक एबं प्रदेश कोरोना नियन्त्रण तथा रोकथाम कार्यक्रमका प्रबक्ता बिनोद बिन्दु शर्माले जानकारी दिनुभयो ।
गण्डकी प्रदेशका कोरोना संक्रमित २९४ मध्ये २२ जना निको भएर घर फर्किएकाछन् भने १ जनाको निधन भईसकको छ ।

गण्डकीमा थप ४२ जनामा सङ्क्रमण पुष्टि, सङ्क्रमित २८९ पुगे,कर्मचारीमा पनि भेटियो संक्रमण ।