दुई जना सरसफाईकर्मीमा संक्रमण पुष्टी भएपछि गल्याङ बजार एक हप्ताका लागि बन्द ।

स्याङजा :
दुई जना सरसफाईकर्मीमा पनि कोरोना संक्रमण देखिए पछि गल्याङ बजार एक हप्ताका लागि पुर्ण रुपमा बन्द गरिएको छ । समुदायमा कोरोना संक्रमण फैलन नदिने उदेश्यसहित एकहप्ताका लागि बजार बन्द गरिएको गल्याङ नगरपालिकाले जनाएको छ ।
गल्याङ नगरपालिकाको क्वारेन्टीनमा बस्ने १६ जनासँगै सरसफाईमा खटिएका एक दम्पतीमा शुक्रवार कोरोना पुष्टी भएको थियो । क्वारेन्टीनमा बसेका सबै भारतबाट आएका हुन् भने संक्रमित अन्य २ जना गल्याङ मै रहेका हुन् ।
गल्याङ नगरपालिकाको पहलमा बसेको सर्बपक्षिय बैठकले अति—अत्यावश्यक बाहेकका सम्पूर्ण पसल बन्द गर्ने निर्णय गरेको नगर प्रमुख भुपराज अधिकारीले जानकारी दिनुभयो । कोरोना संक्रमण समुदाय स्तरमा फैलने सक्ने अनुमान गर्दे सचेत र सावधानी अपनाउनु पर्ने बेैठकको निष्कर्ष रहेको छ ।
बैठकले वित्तीय संस्था र खाद्यान्न पसल पनि एक हप्ताको लागि बन्द गर्ने निर्णय गरेको छ । दुध तरकारी लगायतका पसल भने सामाजिक दुरी कायम गरी सञ्चालन गरिने छ ।
यसैबीच, नगर प्रमुख भुपराज अधिकारीले विज्ञप्ति जारी गर्दै अर्काे सूचना जारी नभएसम्मका लागि नगर कार्यपालिका बन्द हुने जानकारी गराउनु भएको छ । बिज्ञप्तीमा अत्यावश्यकबाहेक घर बाहिर ननिस्कन र उच्च सतर्कता अपउनाउन आग्रह गरिएको छ ।