स्याङ्जाकी कोरोना संक्रमित महिलालाई उपचारका लागि पोखरा लगियाे ।

स्याङ्जा : कोरोना संक्रमण पुष्टि भएपछि स्याङ्जाकी एक महिलालाई बिहीबार पोखरास्थित पश्चिमाञ्चल क्षेत्रीय अस्पताल पोखरामा निर्माण गरिएको आइसोलेसनमा भर्ना गरिएको छ।

वालिङमा क्वारेन्टाइनमा रहेका २६ र २२ वर्षका २ युवासहित ३९ वर्षकी एक महिलामा कोरोना संक्रमण पुष्टि भएको थियो । तीमध्ये २ युवाको स्याङ्जा जिल्ला अस्पतालको आइसोलेसन वार्डमा उपचार भइरहेको छ ।

बिहान कोरोना पुष्टि भएका ३ जना संक्रमितमध्ये ३९ वर्षीया महिलालाई उपचारका लागि पोखरा ल्याइएको गण्डकी प्रदेश स्वास्थ्य निर्देशनालयले जनाएको छ ।

स्वास्थ्य निर्देशनालयका निर्देशक डा. विनोदविन्दु शर्माले महिलाका लागि आइसोलेसनमा राख्न पाेखरा सहज हुने भएकाले संक्रमितलाई पोखरा ल्याइएको बताउनु भयाे । उहाँका अनुसार अहिले ती महिलाको स्वास्थ्य अवस्था सामान्य छ ।

गण्डकी प्रदेशको कोरोना भाइरस (कोभिड-१९) विशेष अस्पतालमा पहिलो पटक कोरोना संक्रमित बिरामी ल्याइएको हाे । अहिलेसम्म स्याङ्जाका ५ जनामा कोरोना संक्रमण देखिएको छ । संक्रमित सबै वालिङ नगरपालिकाका हुन् ।

.

यसरी वालिङ सम्म आएका थिए नयाँ संंक्रमित, उनीहरुको समुहमा थिए ८ पालिकाका ५४ जना

स्याङजामा थपिए ३ जना कोरोना संक्रमित, संख्या पुग्यो ५