गल्याङ : दुर्घटनामा एकको मृत्यु, एक जना घाइते

स्याङ्जाकाे गल्याङ नगरपालिका वडा नम्बर-११ खरिपानी स्थित सिद्दार्थ राजमार्गमा बुटवल बाट पोखरा तर्फ जाँदै गरेको लु. ३ च. ३३२४ नम्बरको को पिक अप भ्यान सडक देखि अन्दाजी १०० मिटर तल खस्न गई दुर्घटना भएको छ । दुर्घटनामा परि उक्त भ्यानमा रहेका ४ जना मध्य दुई जना घाईते भइ उपचारको लागि पठाईएको थियाे ।

उपचारको क्रममा १ जनाकाे मृत्यु भएको प्रहरीले जनाएकाे छ । मृत्यु हुनेमा चालक पाल्पा रम्भा गाउँपालिका वडा नं. -०३ बस्ने बर्ष २६ को मित्रलाल अर्याल रहेका छन । उनकाे गल्याङ नगर अस्पतालमा उपचारको क्रममा मृत्यु भयकाे हाे ।

सहचालक बर्ष २३ को राधेश्याम बस्याल काे लुम्बिनी मेडिकल कलेज पाल्पामा उपचार भई रहेको छ ।घटनाको सम्बन्धमा थप अनुसन्धान कार्य भई रहेको जिल्ला प्रहरी कार्यालय स्याङजाले जनाएकाे छ ।

Facebook Comments Box