ट्वान्टी ट्वान्टी विश्वकपकको सुपर १२ मा नामिबियाको प्रवेश ।

एपी:
नामिबियाले शुक्रबार ट्वान्टी ट्वान्टी विश्वकपको मुख्य ड्र मा पहिलोपल्ट प्रवेश पाएको छ । नामिबियाले सुपर १२ चरणमा प्रवेश पाउनका लागि भएको निर्णायक खेलमा आयरल्यान्डलाई आठ विकेटल पराजित गरेको छ ।

यससँगै प्रतियोगिताको अन्तिम मुख्य चरण खेल्ने १२ टिमको पनि निर्णय भएको छ । जितका लागि १ सय २६ रनको लक्ष्य पाएको नामिबिया नौ बलको खेल बाँकी छँदै त्यहाँसम्म पुगेको हो ।नामिबियालाई जित दिलाउन कप्तान जेरहार्ड इरसमुले प्रमुख भूमिका खेले । उनले ४९ बलमा ५३ रन बनाएर नटआउट रहे र २८ रन बनाएका डेविड विससँग नटआउट ५३ रनको साझेदारी गरे ।नामिबियाले यसअघि नेदरल्यान्ड्सलाई हराएको थियो । यसको समूहबाट यसअघि नै श्रीलंका पनि सुपर १२ को चरणमा पुगिसकेको छ । यसअघि सन् २०१२ यता पहिलोपल्ट विश्वकप खेल्ने प्रयासमा रहेको आयरल्यान्डले आठ विकेटमा १ सय २५ रन बनाएको थियो ।

Facebook Comments Box