आज राती च्याम्पियन्स लिग फाइनल , म्यान्चेस्टर सिटी र चेल्सी भिड्दै ।

युरोपियन च्याम्पियन्स लिग फुटबलको फाईनल खेलमा आज राती पौने १ बजे पोर्चुगलको पोर्टो शहरमा दुई इंग्लीश महारथि म्यान्चेस्टर सिटी र चेल्सी, भिड्दै छन् ।
म्यान्चेस्टर सिटीको यो पहिलो च्याम्पियन्स लिग फाइनल हो भने चेल्सीको तेस्रो । म्यान्चेस्टर सिटीका स्पेनी प्रशिक्षक पेप ग्वार्डिओलाले बार्सिलोनाका लागि यस अघि नै दुई च्याम्पियन्स लिग जितिसकेका छन् तर पनि सिटिका लागि भने यो नै पहिले फाइनल खेल होे त्यस्तै चेल्सीका जर्मन प्रशिक्षक थोमस टचेलले पोहोर साल नै पेरिस सेन्ट जर्मेन (पीएसजी) लाई च्याम्पियन्स लिगको फाइनल खेलाएका थिए । ग्वार्डिओला आएयता सिटीले उत्कृष्ट फुटबल खेलेको छ त्यसैले त सिटीले पछिल्ला चार सिजनमध्ये तीनमा इंग्लिस प्रिमियर लिग जितेको छ । रियाद महारेज, फिल फोडेन, केभिन डी ब्रुयन, सर्जियो अगुइरो, रुबेन डायस, ग्याब्रियल जेसस, बर्नाडो सिल्भा जस्ता उत्कृष्ट खेलाडीले भरिएको सिटिलाई घरेलु प्रतिद्दन्दि चेल्सीका मेसन माउन्ट, क्रिस्टियन पुलिसिच , टिमो वार्नर, केइ हाभर्टेज, जोर्गिनो, कान्टे, विलियम तथा थियगो सिल्भा जस्ता उत्कृष्ट खेलाडीले राम्रो चुनौती दिनेछन । गत सिजन २०२०,२१ मा भएका घरेलु तथा एफए कप गरि ३ खेल मध्य चेल्सिले दुई र सिटीले एक खेल जितेको छ । पछिल्ला तीन वर्षको च्याम्पियन्स लिग फाइनल मध्य इंग्लिस क्लबबीच हुन लागेको यो दोस्रोपल्ट हो ।

Facebook Comments Box