थप ५ हजार २९२ जनामा कोरोना संक्रमण, ८ जनाको मृत्यु ।

 

काठमाण्डौ
पछिल्लो २४ घण्टामा नेपालमा कोरोनाका थप ५ हजार २९२ जना नयाँ संक्रमित थपिएका छन्

सोमबार स्वास्थ्य तथा जनसंख्या मन्त्रालयले दिएको जानकारी अनुसार १० हजार ३६८ जनाको पीसीआर परीक्षण गर्दा ३ हजार ४७२ जनामा संक्रमण पुष्टि भएको हो । त्यसैगरी ५ हजार ७२० जनाको एन्टीजेन परीक्षणमा १ हजार ८२० जनामा कोरोना संक्रमण देखिएको हो । दुबै विधिबाट गरी कुल ५ हजार २९२ जनामा कोरोना संक्रमण पुष्टि भएको हो । योसंगै नेपालमा कोरोना संक्रमितको कूल संख्या १० लाख ८२ हजार ६६८ पुगेको छ । सोमबार ८ हजार १९१ जना संक्रमणमुक्त भएका छन् । कूल संक्रमितमध्ये अहिलेसम्म ८ लाख ६२ हजार ८९८ जना संक्रमणमुक्त भएका छन् ।

त्यसैगरी पछिल्लो २४ घण्टामा कोरोनाबाट ८ जनाको मृत्यु भएको मन्त्रालयले जनाएको छ ।योसंगै नेपालमा हालसम्म कोरोनाबाट मृत्यु हुनेको कुल संख्या ११ हजार ७४३ पुगेको छ । हाल देशभर गरेर ७९ हजार २७२ जना सक्रिय संक्रमित छन् । तीमध्ये ७७ हजार ६६५ जना होम आइसोलेसनमा रहेका छन् भने १ हजार ६०७ जना संस्थागत आइसोलेसनमा रहेका मन्त्रालयले जनाएको छ ।