स्याङ्जाका नयाँ सङ्क्रमित : प्रहरीले समातेका १९ जना जुवाडे सहित एक सरकारी कर्मचारी ।

 २१ भाद्र २०७७, आईतवार ११:३२   | आँधीखोला समाचार डेस्क

स्याङ्जाका नयाँ सङ्क्रमित : प्रहरीले समातेका १९ जना जुवाडे सहित एक सरकारी कर्मचारी ।

स्याङ्जा :
स्याङ्जामा थपिएका २२ जना सङ्क्रमित मध्ये १९ जना जुवाडे र एक जना सरकारी कर्मचारी भएको पुष्टी भएको छ ।
जुवाको खालबाट जिल्ला प्रहरी कार्यालय स्याङ्जाले पक्राउ गरेका २२ जना मध्ये १९ जनामा कोरोना देखिएको स्याङ्जाका प्रमुख जिल्ला अधिकारी गंगा बहादुर क्षेत्रीले जानकारी दिनुभयो । सङ्क्रमित मध्ये एक जना मालपोत कार्यालय स्याङ्जाका कर्मचारी रहेको प्रजिअ क्षेत्रीले बताउनु भयो । अन्य सङ्क्रमित क्वारेन्टीनमा बस्दै आएकाहरु हुन् ।
प्रहरीले जुवाको खालबाट नियन्त्रणमा लिएकाहरुलाई केही दिन जिल्ला प्रहरी कार्यालयको थुनामा राखिएको थियो भने मुद्धा किनारा लागेसँगै उनीहरुलाई क्वारेन्टीनमा पठाईएको प्रजिअ क्षेत्रीको भनाई छ ।

स्याङ्जामा एकै पटक थपिए २२ जना सङ्क्रमित ।

स्याङ्जाका तीन सय ३७ जना सङक्रमित मध्ये तीन सय आठ जना निको भएका छन् भने दुई जनाको निधन भएको छ । जिल्लामा सक्रिय सक्रमितको संख्या २६ रहेको स्वास्थ्य कार्यालय स्याङ्जाका प्रमुख याम प्रसाद शर्माले जानकारी दिनुभयो । (यसअघिको समाचारमा आधिकारीक श्रोतको कारण नै संख्यामा घटबढ भएकोमा भूल सुधार गरिएको छ स. ।)

Facebook Comments

अन्तिम अपडेट: २१ भाद्र २०७७, आईतवार ११:३२





-->