“हिजो भन्दा आज छ परिस्थिति गंभीर”

न कुनै काम छ, न त घुमघाम छ

दिन त बित्दै गयो,दिग्दारी तमाम छ

हरबस्ती गाउँ गाउँ,अनि सबै शहर

सारा विश्वमा छ कोरोनाको कहर

दिनका दिन झन थपिदैछन् संक्रमित

मानव जगतलाई नै बनायो भयभीत

यस्तै छ यतातिर, उस्तै होला उतातिर

हिजो भन्दा आज छ परिस्थिति गंभीर

टोल छरछिमेकमा आउ जाउ बन्द भयो

पालो पैचो अर्म पर्म सहयोग मन्द भयो

सामाजिक दुरी समाजको बढ्दै बढ्दै गयो

उद्योग धन्दा कलकारखाना सुनसान पो भयो

धनी गरीब ठुलो सानो कोहि अछुतो भएन

मै हुँ भन्ने घमण्ड कसैको अब बाकी रहेन

धैर्यतालाई साथमा राख्नु मान्नु भन्दा पीर

हिजो भन्दा आज छ परिस्थिति गंभीर