अपाङ्गता परिचय पत्र वितरण

आँधीखोला खवर/स्याङजा
वालिङ नगरपालिकाले दोस्रो चरणको अपाङ्गता परिचय वितरण गरेको छ । भिन्न क्षमता भएका व्यक्तिलाई अपाङ्गता परिचय पत्र वितरण कार्यविधि २०७५ अनुसार नगरपालिकाले नगरभित्र रहेका भिन्न क्षमता भएकालाई गत चैत्र १४ गते बुधबार देखि अपाङ्गता परिचय पत्र बाड्न सुरु गरेको हो ।

नगरपालिकाले पूर्ण अपाङ्गता, अति अशक्त, मध्यम अपाङ्गता र सामान्य अपाङ्गता गरी चार किसीमका परिचय पत्र वितरण गरेको हो । दोस्रोचरणमा नगरपालिकाले १५ जना भिन्न क्षमता भएका व्याक्तिलाई परिचय पत्र बाडेको वालिङ नगरपालिकाका प्रमुख प्रसाशकिय अधिकृत गुरुदत्त सुवेदीले बताउनु भयो ।

नगरपालिकाले हरेक महिनाको ५ गते भिन्न क्षमता भएका व्यक्तिहरुलाई परिचय पत्र वितरण गर्ने जनाएको छ ।

Facebook Comments Box