वालिङ र पुतलीबजार नगरपालिका उत्कृष्ट घोषित ।

स्याङ्जा, २९ फागुन :
नेपाल नगरपालिका संघले गण्डकी प्रदेशका दुई नगरपालिकालाई उत्कृष्ट घोषणा गरेको छ ।
संघका अनुसार संस्थागत विकास, सेवा प्रवाह तथा वित्तीय सुशासनतर्फ स्याङ्जाका वालिङ र पुतलीबजार नगरपालिका उत्कृष्ट भएका छन् । गण्डकी प्रदेशबाट दुई नगरपालिका मात्र उत्कृष्ट घोषित भएका हुन् ।
२९औं बार्षिक उत्सवको अवसर पारेर आइतबार संघले बिभिन्न नगरपालिकालाई पुरस्कृत गरेको थियो ।
आईतवार काठमाडौँमा आयोजित एक समारोहमा प्रधानमन्त्री शेर बहादुर देउवाले वालिङ नगरपालिकाका प्रमुख दिलीपप्रताप खाँण र पुतलीबजार नगरपालिकाका प्रमुख सिमा कुमारी क्षेत्रीलाई उत्कृष्ट नगरपालिकाको पुरस्कार प्रदान गर्नु भएको हो ।
स्मार्ट सिटीका रुपमा घोषित भई कार्यान्वयनको चरणमा रहेको स्याङ्जाको वालिङ नगरपालिका यसअघि ३ पटक उत्कृष्ट घोषित भइ सकेको छ त्यस्तै पुतलीबजार नगरपालिका पहिलो पटक उत्कृष्ट नगरपालिकामा पुरस्कृत हुन सफल भएको हो ।
वालिङ यस अघि गएको बर्ष वालिङ शहरी योजना, वातावरण, विपद् जोखिम व्यवस्थापन र उत्थानशीलतामा देशकै सर्वोत्कृष्ट नगर घोषित भएको थियो ।

यो पनि : स्याङ्जाको वालिङ चौथोपटक सर्वोत्कृष्ट नगरपालिका घोषित

भिडिओ हेर्न यहाँ क्लिक गर्नुहोस् ।

Facebook Comments Box