दियालो सुआहाराको सहजीकरणमा स्याङजामा भिटामिन ‘ए’ र जुकाको औषधी खुवाउन शुरु ।
स्याङजा :
दियालो सुआहाराको सहजीकरणमा स्याङजामा भिटामिन ए र जुकाको औषधी खुवाउन शुरु गरिएको छ । देशभरिका बालबालिकालाई भिटामिन ‘ए’ र जुकाको औषधी निःशुल्क खुवाउने राष्ट्रिय अभियान अन्तरगत स्याङजामा पनि खुवाउन शुरु गरिएको हो ।
जिल्लाका ११ वटै स्थानीयतहमा बिहिबार र शुक्रबार यो अभियान सञ्चानल गरिने स्वास्थ्य कार्यालय स्याङ्जाले जनाएको छ ।
दियालो अन्तरगत ११ वटा पालिकामा रहेका ११ जना पालिका पोषण सहजकर्ता र १३ जना सामुदायिक पोषण सहजकर्ताले कार्यक्रम सफल पार्न सहजीकरण गरिरहेको सुआहाराका गण्डकी प्रदेश संयोजक याम जिसीले जानकारी दिनुभयो । उहाँले प्रदेशका ६ वटा जिल्लामा सुआहाराका कर्मचारीहरुले अभियान सफल पार्न सहजीकरण गरिरहेको बताउनु भयो ।
वालिङ नगरपालिका वडा नम्वर ६ मा भएको भिटामिन ‘ए’ र जुकाको औषधी खुवाउने कार्यक्रमको शुभारम्भ दियालो संस्थाका अध्यक्ष कविता तिवारीले गर्नु भएको थियो ।
सो अवसरमा दियालो सुआहाराका कार्यक्रम प्रमुख ओम सुव गुरुङको समेत उपस्थिती रहेको थियो ।
.

जिल्ला भर अभियान सफल पार्नका लागि सुआहाराका गण्डकी प्रदेश संयोजक याम जिसी सहित स्वास्थ्य पोषण अधिकृत ज्योती कार्की र कृषि अधिकृत अर्जुन सेवेदीले समन्वय र सहजीकरण गरिरहेको दियालो संस्थाले जनाएको छ ।
याे पढ्न छुटाउनु भयाे की : सामूहिकरुपमा आलु खेतीमा वालिङका महिला ।
अभियान अन्तरगत देशभरका छ महिनादेखि ५९ महिनाका २७ लाख १८ हजार ४५९ बालबालिकालाई बिहीबार र शुक्रबार भिटामिन ‘ए’ खुवाईने बताईएको छ ।
गत कात्तिक २ र ३ गते खुवाउनुपर्नेमा बडादशँैका कारणले एक महिनापछि खुवाउन थालिएको हो । यसअघि कोरोना भाइरसका कारणले वैशाखमा भिटामिन ‘ए’ कार्यक्रम लागू हुनुपर्नेमा गत असार २२ र २३ गते गरिएको थियो ।
मुलुकका ७५३ स्थानीय तहका सबै वडामा स्वास्थ्य स्वयंसेविकामार्फत भिटामिन ‘ए’ खुवाउन थालिएको हो । सरकारले विसं २०५० देख कुपोषणबाट बचाउन र भिटामिन ‘ए’ बाट हुने रोग नियन्त्रण गर्न भिटामिन ‘ए’ कार्यक्रम लागू गरेको हो । भिटामिन ‘ए’ सँगै जुकाको औषधि र बालभिटा खुवाइन्छ ।
.

समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


