राष्ट्रिय तथ्याङ्क कार्यालयले माग्यो ४ हजार ४३९ कर्मचारी

राष्ट्रिय तथ्याङ्क कार्यालयले राष्ट्रिय आर्थिक गणना २०८२ का लागि करार सेवाका लागि ४ हजार ४३९ जना कर्मचारीको माग गरेको छ।

कार्यालयले एक सूचना प्रकाशित गरी आर्थिक गणनाको स्थलगत तथ्याङ्क सङ्कलन तथा सुपरिवेक्षण कार्यका लागि ५२६ जना सुपरिवेक्षक र ३ हजार ९१३ जना गणकको माग गरको हो। सुपरिवेक्षक पदका लागि न्यूनतम स्नातक तह उत्तीर्ण र गणकका लागि कम्तीमा कक्षा १२ वा प्रमाणपत्र तह उत्तीर्ण हुनुपर्ने बताएको छ ।

साढे दुई महिनाको करार अवधिका सुपरिवेक्षकले मासिक ३४ हजार ७३० रुपैयाँ र गणकले मासिक ३२ हजार ९०२ रुपैयाँ पारिश्रमिक पाउने सूचनामा उल्लेख छ।

सूचना प्रकाशित भएको मितिले २१ दिनभित्र अनलाइन माध्यमबाट दरखास्त दिनुपर्ने र आवेदकहरूको छनोट सर्टलिस्ट र अन्तर्वार्ताका आधारमा गरिने राष्ट्रिय तथ्याङ्क कार्यालयले जनाएको छ।