विद्यार्थीलाई नेपाली सेनाको एनसीसी तालिम

स्याङ्जा :
नेपाली सेनाले स्याङ्जाका विद्यार्थीहरुलाई राष्ट्रिय सेवादल तालिम अर्थात एनसीसी तालिम दिएको छ । युवायुवतीलाई राष्ट्रप्रेम बनाउनुका साथै लागुऔषध दुव्यसनी र विपद व्यवस्थापनमा सहयोग पुग्ने उदेश्य राखेर नेपाली सेनाले विद्यार्थीलाई एनसीसी तालिम दिएको हो । स्याङ्जामा नेपाली सेनाले हरेक बर्ष दुई विद्यालयका विद्यार्थीलाई यस्ता तालिम दिदै आएको छ ।

यो बर्ष नेपाली सेनाले एउटा मात्रै विद्यालयका विद्यार्थीलाई एनसीसी तालिम शुरु गरेको जनाएको छ । पुतलीबजार नगरपालिका १३ स्थित सतौ हटिया लाम्पाटामा रहेको मातृभुमि विद्यालयमा राष्ट्रिय सेवा दल तालिम शुरु भएको आँधीखोला व्यारेक शार्दुल सिंह गुल्मका गुल्मपति पुरुषेत्तम कार्कीले जानकारी दिए । तालिममा ३६ जना विद्यार्थीको सहभागिता रहेको छ । १८ जना छात्र र १८ जना छात्राले असार ३०गते सम्म यो तालिममा सहभागी हुने गुल्मपति सेनानी कार्कीले बताए । आदर्श नागरिक र राष्ट्रप्रति माया जगाउने नै यसको मुलभुत उदेश्य हो गुल्मपति कार्कीले भने,‘विद्यार्थीले यो तालिमबाट सैद्धान्तिक र व्यवहारीक सिक्ने छन् ।’ जसले समाजमा आइपरेका समस्या सगँ जुध्न र असल नागरिक बनाउन टेवा पुग्ने विश्वास सेनाले लिएको छ उनले भने ।

नेपाली सेनाद्धारा आयोजित तालिममा विद्यालयका प्रधानाध्यापक, शिक्षक, समन्वय शिक्षक, पुतलीबजार १३ का वडा अध्यक्ष, विद्यालय व्यवस्थापन समितिका अध्यक्ष र अभिभावकहरुले शुभारम्भको अवलोकन गरेका थिए । नेपाली सेनाले ‘अनुशासन नै राष्ट्र सेवाको मूल जग हा’े भन्ने आर्दश वाक्य रहेको राष्ट्रिय सेवा दलबाट संचालित तालिमले युवाहरुलाई अनुशासित बनाउने, युवाहरुमा ईमान्दारिता तथा बफादारिताको भावनाको विकास गराउने, युवाहरुमा राष्ट्रियताको भावनाको विकास गर्ने, युवाहरुमा नेतृत्व क्षमताको विकास गर्ने, र विपदको समयमा उद्धार तथा राहत कार्यमा स्वयं सेवकको भुमिका निर्वाह गर्न सक्ने असल तथा अनुशासित नागरिक बनाउन अभिप्रेरित गर्ने सेनानी कार्कीले बताए ।

स्याङ्जामा ५ बर्षदेखी यो तालिम संचान हुदै आएको छ । अहिले सम्म राष्ट्रिय सेवादलको तालिम झण्डै ५ सय विद्यार्थीले लिइसकेको सेनानी कार्कीले बताए । वि.सं. २०२२ देखि देशभर हालसम्म सिनियर डिभिजन तर्पm १२ हजार ५ सय १५ जना र जूनियर डिभिजन तर्फ ६१ हजार ९ सय ६५जना गरी कूल ७४ हजार ४ सय ८० जना क्याडेट छात्रछात्राहरुले सफलतापूर्वक रासेद अर्थात एनसीसीको तालिम प्राप्त गरी सकेको नेपाली सेनाले जनाएको छ ।

यस तालिममा उत्कृष्ट नतिजा ल्याउने क्याडेट छात्र÷छात्राहरु र विद्यालयहरुले राष्ट्रिय स्तरमै पहिचान प्राप्त गरी बिभिन्न शिल्ड, मेडल तथा पुरुस्कारहरु प्राप्त गर्ने व्यवस्था रहेको छ । मित्रराष्ट्रहरु भारत, श्रीलंका, वंगलादेश, भुटान, माल्दिभ्स र पाकिस्तानमा संचालन हुने यूवा आदान प्रदान कार्यक्रममा राष्ट्रको प्रतिनिधित्व गर्दै सहभागी हुने अवसर पनि प्राप्त गर्ने बताइएको छ । नेपाली सेनाले दिदै आएको यो तालिमले समाजमा लागुऔषध दुव्यसनीको न्युनिकरण र बेला बेलामा आइपर्ने प्रकृतिक विपदजन्य व्यवस्थापनमा ठुलो सहयोग हुदै आएको छ ।

Facebook Comments Box
TOP