कांग्रेस उपसभापति गुरुङद्वारा अग्नि प्रभावितलाई आर्थिक सहयोग ।

वालिङ :

नेपाली कांग्रेसका केन्द्रीय उपसभापति एवं पूर्वमन्त्री धनराज गुरुङले अग्नि प्रभावित क्षेत्रको निरीक्षण गर्नु भएकाे छ ।
उपसभापति गुरुङले स्याङ्जाको चापाकोट नगरपालिका–१ का मैदान र बीरडाँडाका अग्निपीडित पाँच घरपरिवारका अवस्था बुझ्नुका साथै आर्थिक सहयोग गर्नु भएकाे हाे ।
आगलागीका कारणघरबार विहीन भएका जनताको घरमा पुगेर पूर्वमन्त्री गुरुङले प्रतिपरिवार रु १० हजारका दरले आर्थिक सहयोग गर्नु भएकाे हाे । “घरवारविहीन भएका नागरिकको अवस्था बुझ्नका लागि घरदैलोमा आएको हुँँ”, उहाँले भन्नुभयाे, “जनताको सुख दुःखमा जनप्रतिनिधिसँगै भएको महसुस दिलाउन अग्नि प्रभावित गाउँमा पुगेको हुँ, पहिलो चरणमा मैले पाउने मासिक पारिश्रमिकबाट सानो रकम सहयोग गरेको छु ।”
अग्नि प्रभावित मैदान र बीरडाँडाका पाँच घर आगोका कारण पूर्णरुपमा क्षति भएको थाहा पाएपछि नागरिकलाई सान्त्वना प्रदान गर्न र आगामी योजना बनाउने उद्देश्यसहित प्रभावित गाउँको स्थलगत अवलोकन गरेकाे उहाँकाे भनाइ छ ।

Facebook Comments Box