मगर एकता दिवस : स्याङ्जाका आठ पालिकामा सार्वजनिक विदा ।

वालिङ, फागुन १५ गते ।
मगर समुदायले आज ४२ औं मगर संघ स्थापना एवम् मगर एकता दिवस मनाउँदैछन् । दिवसको अवसरमा मगर बाहुल्य भएका स्याङ्जाका विभिन्न पालिकाहरुले सार्वजनिक विदा दिएका छन् । ११ पालिका मध्ये आठ पालिकाले सार्वजनिक विदा दिएका हुन् ।
स्याङ्जाको वालिङ,पुतलीबजार,भीरकोट,चापाकोट र गल्याङ नगरपालिका तथा कालीगण्डकी,हरिनास र विरुवा गाउँपालिकाले सार्वजनिक विदा दिएकाहुन् ।
पालिकाहरुले सूचना निकालेर आ–आफ्नो क्षेत्र भित्रका विभिन्न कार्यालयहरु,पालिका तथा वडा कार्यालय, सार्वजनिक निकाय, संघसंस्था, शिक्षण संस्था, बैंक तथा वित्तीय संस्था बन्द रहने जनाएकाछन् ।
स्याङ्जामा मगर समुदायको बाक्लो बसोबास रहेको छ । जनगणना २०७८ अनुसार २२ प्रतिशत मगर जाती जिल्लामा रहेकाछन् ।
जिल्लामा मगर समुदायको संख्या दोस्रोमा रहेको छ । पहिलोमा भने पहाडी ब्राह्मणको रहेको छ । कालीगण्डकी,हरिनास र विरुवामा सवै भन्दा धेरै मगर समुदाय बसोबास गर्दै आएकाछन् ।

२०३९ साल फागुन १५ गते मगर संघ स्थापना भएको दिनको सम्मानमा मगर समुदायले यस दिन मगर एकता दिवसको रुपमा मनाउँदै आएका छन् ।

Facebook Comments Box