सञ्चालनमा आएन ‘प्राकृतिक स्रोत व्यवस्थापन कलेज’

राधाकृष्ण डुम्रे/वालिङ:

 कृषि तथा वन क्षेत्रको शिक्षा अध्ययन र पढ्दै कमाउदै मोडेलमा सञ्चालन हुन लागेको ‘प्राकृतिक स्रोत व्यवस्थापन कलेज’ वर्षाैसम्म अलपत्र परेको छ । स्याङ्जाको चापाकोट नगरपालिका–८ रत्नपुरमा रहेको प्रस्तावित कलेज हालसम्म पनि सञ्चालन आउन सकेको छैन ।

क्याम्पसको भौतिक पूर्वाधारका लागि आवश्यक १२० रोपनी जग्गा व्यवस्थापन भइसकेको छ भने क्याम्पसले सम्बन्धनको कामसमेत सकाएको छ । २०७४ सालमा सम्बन्धन पाएको कलेज सञ्चालनमा आउने तयारी भए पनि लामो समयदेखि अस्तव्यस्त भएको स्थानीयको आरोप छ । तत्कालीन जनसामूहिक प्राथमिक विद्यालय परिसरमा कलेज स्थापना हुन लागेको हो । स्थानीयहरुले आवश्यक जग्गा उपलब्ध गराएसँगै जग्गाको न्यूनतम मापदण्ड पूरा भएको वडा अध्यक्ष टोपलाल न्यौपानेले बताउनु भयो ।

कलेज स्थापनाको समयमा राजनैतिक विवादका कारण पटक पटक समिति बनेको भए पनि पछिल्लो समय सबै राजनैतिक दलहरु बिच सहमति रहेको वडाध्यक्ष न्यौपानेले बताउनुभयो । सबै दलको सहमतिमा नगरप्रमुख देवबहादुर खाण (ईश्वर)को संयोजकत्वमा समिति गठन भएको उहाँले बताउनुभयो ।

कृषि तथा वन विज्ञान विश्वविद्यालय रामपुर र चापाकोट नगरपालिकाको आयोजनामा पटक पटक छलफल भएको भए पनि निष्कर्षमा पुग्न नसकिएको बताइएको छ । सङ्घीय सरकार र प्रदेश सरकारले समेत क्याम्पस सञ्चालनमा प्रभावकारी चासो नदेखाएको स्थानीयको भनाइ छ ।

चापाकोटमा कृषि क्याम्पस सञ्चालन हुँदा गण्डकी र लम्बिनी प्रदेशका विद्यार्थीलाई राहत मिल्ने चापाकोट नगरप्रमुख खाणले बताउनुभयो । उहाँले कलेज सञ्चालनका विषयमा नियमित रुपमा लागिरहेको जानकारी दिनुभयो । पालिकाले अर्थ मन्त्रालय र विश्वविद्यालयसँग समन्वय गरिरहेका प्रमुख खाणको भनाइ छ । आफूहरु यो विषयलाई लिएर प्रधानमन्त्री र अर्थमन्त्रीसँगको समेत भेट गरिसकेको खाणले बताउनुभयो ।

सेरोफेरो

थप सामाग्री

स्याङ्जाका सात पत्रकार पुरस्कृत ।

स्याङ्जा : सम्पर्कविहीनका परिवारबाट डीएनए नमुना सङ्कलन

२५ वर्षदेखि छाङछाङदी मन्दिरमा बस्दै आएका ५५ वर्षीय साधु मृत भेटिए

समाचार

थप सामाग्री

• 

  केन्द्रीय सदस्यमा ढकालको उम्मेदवारी, उद्यमदेखि सामाजिक अभियानसम्मको अनुभवलाई कांग्रेसको नीतिमा जोड्ने लक्ष्य

• 

  ‘अब कुनै पक्ष-विपक्ष छैन, हामी एउटै परिवार हौँ’: नवनिर्वाचित क्षत्रीय सभापति खनाल

• 

  व्यवसाय, समाजसेवा र राजनीतिलाई जोड्ने प्रयास : खुमा अर्यालको नयाँ अध्याय

• 

  सङ्घर्ष, समर्पण र जिम्मेवारीको पर्याय: केदार काफ्लेको निष्ठापूर्ण राजनीतिक यात्रा

• 

  कांग्रेस महाधिवेशन: स्याङ्जा–१ बाट २७ वर्षीय सन्देश लम्साल महाधिवेशन प्रतिनिधिको दौडमा

कांग्रेस महाधिवेशन: स्याङ्जा–२ बाट महाधिवेशन प्रतिनिधिमा युवा नेता लक्ष्मण भुसालको उम्मेदवारी

१ हप्ता अगाडि

आँधीखोला खबर समाचारदाता/स्याङ्जा : नेपाली कांग्रेसको १५औँ महाधिवेशनको सरगर्मीसँगै स्याङ्जा–२ मा राजनीतिक माहोल ह्वात्तै तात्तिएको छ। यसैक्रममा नेविसंघ काठमाडौँ–स्याङ्जा सम्पर्क…

२६ वर्षमै वडाध्यक्ष बनेका दिप गुरुङ ‘छिरिङ’: महाधिवेशन प्रतिनिधिका युवा उम्मेदवार

१ हप्ता अगाडि

कालीगण्डकीमा ३० वर्षयताकै ठुलो बाढी

१ हप्ता अगाडि

‘राजनीतिमा युवाको नयाँ उत्साह’ : आयुष रानाभाटको उम्मेदवारी

१ हप्ता अगाडि