रातको १० बजेसम्म देउसी भैलो खेल्न स्याङ्जा प्रशासनको निर्देशन

स्याङ्जा :

जिल्ला प्रशासन कार्यालय स्याङ्जाले तिहारका बेला खेलिने देउसी भैलो रातको १० दश बजेसम्म मात्र संचालन गर्न सूचित गरेको छ ।

सांस्कृतिक कार्यक्रम गर्दा सार्वजनिक यातायात, सामाजिक जीवन र कसैका इच्छा र चाहना विपरितका कार्य नगरी शान्तिपूर्ण वातावरणमा मनाउन समेत अनुरोध गरेको छ ।

भाइचारा र आत्मियताको सम्बन्ध बढाउदै आ आफना चाडपर्व, संस्कृति र परम्परा बमोजिम मनाउन र अरुका धर्मसंस्कृतिलाई ठेसपुग्ने जस्ता कार्य नगर्न नगराउन सुझाव दिदै स्याङ्जा प्रशासनले अत्यन्त जरुरी सूचना भन्दै ८ बुदें निर्देशन समेत उल्लेख छ ।

निमित्त प्रमुख जिल्ला अधिकारी दिपक पौडेलद्धारा जारी सूचनामा पटका, भूईचम्पा, अतिसवाजी, बिस्फोटक पदार्थ जस्ताको बस्तुको प्रयोग र जुवा, तास र कोैडा जस्ता खेलमा निषेध गरिएको छ ।

सार्बजनिक स्थलमा मादकपदार्थ सेवन गरी होहल्ला गर्ने, झैझगडा गर्ने तथा अशान्ति कायम हुने खालका गतिविधिहरु नगर्न, दिपावलीको अवसरमा विजुली तथा मैनबत्ति जस्ता सामागू्रीको साबधानी पूर्वक प्रयोग गर्न आग्रह गरेको छ ।

यस्तै, सवारी साधनमा झुण्डीएर यात्रा नगर्न नगराउन, यात्रुसँग बढि पैसा नअसुल्न, बजारमा कृतिम अभाव सिर्जना नगर्न, कालोबजारी नगर्न अनुरोध गदै सूचनाको अवज्ञा गरेमा प्रचलित कानून बमोजिम कारवाही गरिने सूचनामा उल्लेख छ ।

Facebook Comments Box