कृषि उपज संकलन केन्द्र तथा सामुदायिक बिउ बैंक स्याङ्जामा स्थापना

स्याङ्जा

पुतलीबजार नगरपालिका १ स्थित मालेबगरमा कृषि उपज संकलन केन्द्र तथा सामुदायिक वीउ बैकको शुभारम्भ गरिएको छ । केन्द्र र बैंकको एक कार्यक्रमका बीच पुतलीबजार नगरपालिकाका प्रमुख तुलसीराम रेग्मी र संयुक्त राष्ट्र संघीय विकास कार्यक्रम (UNDP) का गण्डकी लुम्बिनी प्रदेश प्रमुख सुदिप अर्यालले संयुक्त रुपमा गमलामा कुरिलो रोपेर समुद्घाटन गर्नुभएको हो ।

पुतलीबजार नगरपालिका र संयुक्त राष्ट्र संघीय विकास कार्यक्रम (UNDP) को आर्थिक तथा प्राविधिक सहयोग एंव सूर्योदय क्लब, स्याङ्जाको व्यवस्थापनमा संचालित ‘हरितपुर्नउत्थान तथा कोभिड १९ प्रतिकार्य पहल’ कार्यक्रमको सहयोग र सहजीकरणमा स्थापित केन्द्र र बीउ बैंकको पुतलीबजार बहुउदेश्यीय विकास केन्द्रले संचालनमा ल्याएको हो ।

संकलन केन्द्र र बीउ बैंकको उदघाटन गर्दै नगरप्रमुख तुलसीराम रेग्मीले कृषकका उत्पादनलाई बजारमा पहुँच बिस्तार गर्न स्थापित संकलन केन्द्र र वीउ बैंकको समुचित उपयोग गर्न अनुरोध गर्नुभयो । प्रमुख रेग्मीले बाँदर समस्या लगायत कृषकका समस्याहरुलाई क्रमशः समाधान गर्दै कृषकका उत्पादित बस्तुको बजारको ग्यारेन्टी गर्ने बताउँनुभयो । रैथाने बालीको पहिचान र संरक्षण गर्न वीउ बैंकको स्थापनाको अवधारणा ल्याइएको बताउँदै, यसको उपयोग र कृषकलाई उचित सेवा प्रदान गर्न प्रमुख रेग्मीको अनुरोध थियो ।

कार्यक्रममा संयुक्त राष्ट्र संघीय विकास कार्यक्रम गण्डकी/लुम्बिनी प्रदेश प्रमुख सुदिप अर्यालले रासायनिक बिषादीको प्रयोगले जनस्वास्थ्यमा गम्भिर असर पारेको बताउँदै, सचेतनाको माध्यमबाट यसको न्यूनिकरण संस्थाले सहजीकरण गर्नुपर्ने बताउनुभयो । प्रमुख अर्यालले स्वस्थ समाज निर्माणका लागि जैवीक खेती प्रणाली अवलम्बन गर्नुको विकल्प नरहेको बताउनु भयाे । यसकाे लागि आवश्यक समन्वय गर्ने अर्यालकाे भनाइ छ ।

कृषि उपज संकलन केन्द्र तथा सामुदायिक बिउ बैंक स्याङ्जामा स्थापना

उद्घाटन कार्यक्रममा प्रधानमन्त्री कृषि आधुनिकीकरण परियोजना, स्याङजाका प्रमुख माधव लम्साल, सूर्योदय क्लवका सचिव रमेश गोदार, पिपलडाडा कृषि सहकारीका अध्यक्ष दुर्गा काफले, किसान ज्ञानेन्द्र ढकाल र बृहस्पती अर्याल लगायतले संकलन केन्द्र र बीउ बैंकको उद्धेश्य अनुसार संचालन गर्न संस्थालाई र लाभ लिन नगरबासीलाई अनुरोध गरेका थिए ।

पुतलीबजार बहुउदेश्यीय विकास केन्द्रका अध्यक्ष बिष्णुप्रसाद अर्यालको अध्यक्षतामा सम्पन्न कार्यक्रममास्वागत कोषाध्यक्ष भूमिजंग के.सी. र कार्यक्रमको संचालन सचिव गुरुप्रसाद ढकालले गर्नुभएको थियो ।

केन्द्रले किसान कै घरघरमा साधन मार्फत र सिधै केन्द्रमा कृषि उपजको संकलन एंव विक्री र स्थानीय तथा रैथानी बीउको संरक्षण र प्रबद्र्धन गर्ने कोषाध्यक्ष भूमिजंग के.सी.ले जानकारी दिनुभयो ।