स्याङजामा जिल्ला समन्वय समितिको गाडी दुर्घटना : चालकको मृत्यु, तीन घाइते

स्याङ्जा, जेठ २४ गते।

अर्जुन चौपारी गाउँपालिका–३ खोलेमा जिल्ला समन्वय समितिको पिकअप गाडी दुर्घटना हुदाँ चालकको मृत्यु भएको छ।

बुधबार साँझ शिरुबारीबाट खोले हुँदै रापाकोट जानेक्रममा बा १ झ ५८७८ नम्बरको पिकअप गाडी दुर्घटना भएको हो। दुर्घटनामा चालक वालिङ ४ का  ३५ वर्षीय अमृत खनालको मृत्यु भएको हो।  चालकको घटनास्थलमै मृत्यु भएको प्रहरीले जनाएको छ। गाडी भिरमा अड्किएको छ।

गाडीमा सवार जिल्ला समन्वय अधिकारी राजेन्द्र पौडेल, विद्युत सुपरभाइर टिकाराम पौडेल र अम्बिका पौडेल घाइते हुनुभएको जिल्ला प्रहरी कार्यालय स्याङजाले जनाएको छ।

दुर्घटनाका घाइतेको जिल्ला अस्पतालमा उपचार भइरहेको छ।