स्याङ्जाको पुतलीबजार र गल्याङबाट पनि श्रम स्वीकृति सेवा सुरु

स्याङ्जा : जिल्लाको पुतलीबजार र गल्याङ नगरपालिकाले पनि श्रम स्वीकृति सेवा सुरु गरेको छ।

नगर प्रमुख तुलसीराम रेग्मीले पुतलीबजार नगरपालिका-४ निवासी लोकबहादुर सुनारलाई पुनः श्रम स्वीकृति प्रदान गरी सो सेवाको शुभारम्भ गरेका हुन्।

गल्याङ नगरपालिकाले पनि श्रम स्वीकृति सेवा सुरु गरेको छ। नगरप्रमुख गुरुप्रसाद भट्टराईले गल्याङ-२ का सुरज नेपालीलाई पालिकाकाट पहिलो पटक सो सेवा प्रदान गरेर सुरु गरेका हुन।

वैदेशिक रोजगारीमा जान लागेका पुतलीबजारका सुनार र गल्याङका नेपालीले आआफ्नो पालिकाबाटै श्रम स्वीकृति सेवा पाउदा निकै खुशी लागेको बताए।

पछिल्लो समय स्याङ्जाका ११ पालिकामध्ये भीरकोट, वालिङ्, गल्याङ र पुतलीबजारले श्रम स्वीकृति सेवा प्रवाह गरेका छन्। स्याङ्जाबाट वैदेशिक रोजगारमा जानेको संख्या धेरै छ।

वैशाख १ गतेदेखि स्थानीय पालिकाबाट सेवा लिन पाउने व्यवस्था गरिएपछि रोजगारीका लागि विदेशमा जानेहरूका लागि निकै सजिलो बनाएको छ।

Facebook Comments Box