सुविधा सम्पन्न भवनबाट सेवा प्रवाह गर्दै इलाका प्रशासन कार्यालय वालिङ

वालिङ, वैशाख १८ गते । इलाका प्रशासन कार्यालय वालिङले सुविधा सम्पन्न भवनबाट सेवा प्रवाह गर्न सुरु गरेको छ । वालिङ ९ सुर्काैँदीमा ४ रोपनी क्षेत्रफलमा निर्माण गरिएको सुविधा सम्पन्न भवनबाट सेवा प्रवाह सुरु गरिएको हो ।

२०५७ सालमा वालिङमा स्थापित प्रशासन कार्यालय वालिङ ८ कटौँजेमा भाडामा सञ्चालन गरिँदै आएको थियो । कार्यालयको आफ्नै भवन नहुँदा सेवा प्रवाहमा असहज हुँदै आएको भन्दै सेवाग्राहीको गुनासो थियो । साढे २ तल्ले १४ कोठे भवन अपाङ्गमैत्री बनाइएको छ भने आधुनिक प्रविधिबाट निर्माण सम्पन्न गरिएको इलाका प्रशासन कार्यालय वालिङका प्रमुख घनश्याम गौतमले जानकारी दिनुभयो ।

तीन करोड २२ लाखको लागतमा गएको आर्थिक वर्ष २०७८-७९ को असार सम्ममा निर्माण सम्पन्न गर्नुपर्ने भएपनि कोभिड लगायतको कारणबाट ढिलो गरी निर्माण सम्पन्न भएको गौतमले बताउनुभयो ।

कार्यालय प्रमुख गौतमले भन्नुभयो, “कोठा अभावका कारण दैनिक सेवा प्रवाह असहज भएको थियो । प्रशासनबाट हुँदै आएका कार्य, राष्ट्रिय परिचय पत्र निर्माण, मतदाता नामावलीलगायतका कार्य गर्न असहज हुँदै आएकोमा नयाँ भवनवाट दिइने सेवा थप प्रभावकारी हुनेछ ।”

जिल्लाका ७ पालिकालाई सेवा दिँदै आएको प्रशासनबाट औसतमा दैनिक ६० नागरिकता जारी हुने गरेको छ भने पासपोर्ट, नाबालक परिचय पत्र, दलित, जनजाति प्रमाणितलगायतका कार्य हुँदै आएको छ । इलाका प्रशासन कार्यालय वालिङले वालिङ, गल्याङ तथा चापाकोट नगरपालिका, कालीगण्डकी गाउँपालिकाका पुरै क्षेत्र तथा भीरकोट नगरपालिकाको वडा नं.४,५ र ९, बिरुवा गाउँपालिकाको वडा नं.५,६ र ७ तथा हरिनास गाउँपालिकाको वाड नं.४,५ र ६ कार्य क्षेत्र रहेको छ ।

सेरोफेरो

थप सामाग्री

तीन दिन बिदा सार्वजनिक

भरुवा बन्दुकसहित एक पक्राउ

जबरजस्ती करणी आरोपमा एक जनालाई पक्राउ

समाचार

थप सामाग्री

• 

  जनताको समस्या समाधान गर्न सरकारसँग हातेमालो गर्छु : उमेदवार ढकाल

• 

  शनिबार र आइतबार दुई दिन बिदा दिने सरकारको निर्णय

• 

  शैक्षिक सत्र वैशाख १५ गतेदेखि सुरु गर्ने सरकारको निर्णय

• 

  साधारण सभा सम्पन्न

• 

  गुलाबी सहर वालिङमा अटो चालक पनि गुलाबी

प्रधानमन्त्री बालेनलाई स्याङ्जा–२ का सांसद झविलालले कुन-कुन विषयमा गराए ध्यानाकर्षण !

७ दिन अगाडि

काठमाडौं : राष्ट्रिय स्वतन्त्र पार्टी (रास्वपा) का सांसद झविलाल डुम्रेले सिद्धार्थ राजमार्गको स्तरोन्नतीको विषयलाई प्रधानमन्त्री बालेन्द्र शाह (बालेन) सँग राखेका…

मिलन समीरको निर्बन्ध-काव्यमाथि स्याङ्जामा विमर्श

१ हप्ता अगाडि

भीरकोटमा विद्यार्थी बीमा कार्यक्रम सुरू

१ हप्ता अगाडि

१५ सदस्यीय मन्त्रिपरिषद् : प्रधानमन्त्रीसहित नवनियुक्त मन्त्रीको शपथ

२ हप्ता अगाडि