वालिङ बहुमुखी क्याम्पसको ४२ औँ वार्षिकोत्सवका अवसरमा विभिन्न कार्यक्रम

वालिङ :
स्याङजाको वालिङमा रहेको वालिङ बहुमुखी क्याम्पसले विविध कार्यक्रम सहित ४२ औँ वार्षिकोत्सव मनाउने भएको छ । गण्डकी प्रदेशकै पुरानो क्याम्पस वालिङ बहुमुखी क्याम्पसले मङ्गलबार क्याम्पस सभाहलमा पत्रकार सम्मेलन गरी २८ गतेदेखि पौष ४ गतेसम्म विविध कार्यक्रम सहित वार्षिकोत्सव मनाउने जानकारी गराइएको हो ।

वार्षिकोत्सवका अवसरमा मंसिर २८ गतेदेखि पौष १ गतेसम्म छात्र/छात्रा भलिबल प्रतियोगिता, सरसफाई कार्यक्रम, २९ गते अन्तर क्याम्पस अन्तरक्रिया र वक्तृत्वकला कार्यक्रम गरिने छ । यसैगरी पौष १ देखि ३ गतेसम्म हाजिरी जवाफ प्रतियोगिता, लगायतका खेलकुदसँग सम्बन्धित कार्यक्रमहरु सञ्चालन गरिने छ भने पौष ४ गते साँस्कृतिक कार्यक्रम सहित समापन कार्यक्रम रहेको क्याम्पस प्रमुख सचितानन्द यादवले जानकारी गराउनुभयो ।

क्याम्पस सञ्चालक समितिका अध्यक्ष हुमकान्त कोइरालाको सभापतित्वमा भएको पत्रकार सम्मेलनमा क्याम्पस प्रमुख सच्चिदानन्द यादव स्वागत सहित कार्यक्रमको जानकारी गराउनु भएको थियो भने सहायक क्याम्पस प्रमुख भीमप्रसाद पँगेनीले सञ्चालन गर्नुभएको थियो । २०३७ सालमा स्थापना भएको क्याम्पसमा अहिले १६ सय ५५ जना विद्यार्थी अध्यनरत छन । साथै वालिङ बहुुमुखी क्याम्पस विश्व विद्यालय अनुदान आयोगबाट सुनिश्चिता तथा प्रत्यायनकृत क्यूएए भएको क्याम्पस हो

Facebook Comments Box