दुबै डोज खोप लगाएका मात्र भारत प्रवेश गर्न पाउने ।

काठमाडौँ :
भारत प्रवेश गर्न चाहने नेपालीहरुले अनिवार्य रुपमा कोरोनाको दुबै डोज खोप लगाएको कार्ड देखाउनु पर्ने भएको छ । कोरोना भाइरसको नयाँ भेरियन्ट ‘ओमिक्रोन’ देखा परेपछि भारतले आफ्नो देश प्रवेश गर्ने नाकामा कडाई गरेको छ ।

बैतडीसँग सीमा जोडिएको झुलाघाट नाकामा पनि भारतले खोप लगाएको कार्ड र परिचयपत्र अनिवार्य गरेको जिल्ला प्रशासन कार्यालयले बैतडीले जनाएको छ । यस्तै, झुलाघाट नाकाबाट बैतडीमा छिर्नेहरुले पनि अनिवार्य रुपमा ७ दिन क्वारेन्टाइन बस्नुपर्ने भएको छ । सीमा नाकामा स्वास्थ्य सुरक्षाका मापदण्डको पालना गर्न पनि भनिएको छ । हालसम्म भारतमा चार जना ओमिक्रोन भाइरस संक्रमित भेटिएका छन् ।

Facebook Comments Box