१ हजार ५८९ जना कोरोना संक्रमणमुक्त

आँधीखोला समाचार डेस्क २९ भाद्र २०७८, मंगलवार १७:२२

काठमाडौं :  पछिल्लो २४ घण्टामा नेपालमा थप १ हजार ५ सय ८९ जना कोरोना संक्रमणमुक्त भएका छन्।

मंगलबार स्वास्थ्य तथा जनसंख्या मन्त्रालयले दिएको जानकारी अनुसार देशका विभिन्न भागमा १ हजार ५ सय ८९ जना कोरोना संक्रमणमुक्त भएका हुन्।

यससँगै नेपालमा कोरोना संक्रमणमुक्त हुनेको संख्या ७४२३०६ पुगेको मन्त्रालयले जनाएको छ।

मन्त्रालयका अनुसार कोरोना निको हुने दर ९५ दशमलव २ प्रतिशत रहेको छ।

पछिल्लो २४ घण्टामा थप १ हजार ५६२ जनामा कोरोना संक्रमण पुष्टि भएको मन्त्रालयले जनाएको छ।

१० हजार २६६ जनाको पीसीआर र ४ हजार १ सय ७७ जनाको एन्टीजेन विधीबाट गरिएको परीक्षणका क्रममा १ हजार ५६२ जनामा कोरोना पुष्टि भएको हो।

मन्त्रालयका अनुसार यससँगै सक्रिय संक्रमितको संख्या २६ हजार २०२ पुगेको छ।

मन्त्रालयका अनुसार सोही अवधिमा थप १९ जनाको मृत्यु भएको छ। यससँगै नेपालमा कोरोनाका कारण ज्यान गुमाउनेको संख्या १० हजार ९८४ पुगेको छ।

Facebook Comments Box

ताजा अपडेट

धेरै कमेन्ट गरिएका