काठमाडौं आइपुग्यो चीनले अनुदानमा दिएको ८ लाख डोज खोप

काठमाडौं : आज  चीनबाट ८ लाख डोज खोप नेपाल आइपुगेको छ । चीनले अनुदानमा उपलब्ध गराएको १० लाख डोज खोपमध्ये ८ लाख मात्रा  आज काठमाडौं आइपुगेको हो ।

नेपाल वायुसेवा निगमको वाइडबडी विमान खोप लिनका लागि सोमवार राति बेइजिङ प्रस्थान गरेको थियो ।
राष्ट्रपति विद्यादेवी भण्डारीसँग अघिल्लो हप्ता भएको कुराकानीमा चीनका राष्ट्रपति सी जिनपिङले १० लाख डोज खोप अनुदानमा दिने घोषणा गरेका थिए ।
यसअघि चीनले अनुदानमा दिएको ८ लाख डोज खोप नेपालमा ल्याई प्रयोग समेत भइसकेको छ ।