वालिङ नगरपालिकाद्वारा अक्सिजन सहितको बेड तयार ।

आँधीखोला समाचार डेस्क आँधीखोला समाचार डेस्क २१ बैशाख २०७८, मंगलवार १६:५०

वालिङ :
संक्रमणको दर बढ्न थालेको भन्दै वालिङ नगरपालिकाले अक्सिजन सहितको सुविधा सम्पन्न बेड तयार गरेको छ । तत्कालका लागि गह्रांै प्राथमिक अस्पतालको परिसरमा अक्सिजन र निवुलाईजर सहितको बेड तयार पारिएको नगर प्रमुख दिलिप प्रताप खाँणले जानकारी दिनुभयो । उहाँले भन्नुभयो, “पहिलो चरणमा ६ वटा बेड तयार गरेका छौं आवश्यक्ता अनुशार थप गर्ने छौं ।” ठाँउको व्यवस्थापन गरिसकिएको जानकारी दिदै नगरप्रमुख खाँणले नागरिकलाई नआत्तिन आग्रह समेत गर्नु भयो ।अस्पताल परिसरमा बन्दै गरेको नयाँ भवनलाई सुविधा सम्पन्न आईसोलोसनका रुपमा बिकास गरिने प्रमुख खाँणको भनाई छ ।
नगरपालिकाले अस्पतालमा नै कोरोनाको एन्टिजेन समेत परिक्षण गर्दै आएको अस्पतालका प्रमुख डाक्टर सरोज थापाले बताउनु भयो । उहाँले संक्रमित बढ्ने क्रममा रहेका र त्यही अनुशार तयारी पनि गरिरहेको जानकारी दिनुभयो ।
कोरोना संक्रमित बिरामीहरुका लागि भर्ना गरी सबै खाले सेवा प्रदान गर्ने गरी आफूहरु तयारी अवस्थामा रहेको अस्पतालका अधिकृत तथा सूचना अधिकारी देवेन्द्र प्रसाद भट्टराईले बताउनु भयो । उहाँले भन्नुभयो, “कोरोना संक्रमितको लागि उपचारमा आवश्यक पर्ने सबै सामाग्रीहरु नगरपालिकाले जुटाई सकेको छ ।”
मंगलबार अपरान्ह सम्म वालिङमा सक्रिय संक्रमितको संख्या १ सय ६३ रहेको वालिङ नगरपालिकाका स्वास्थ्य शाखा प्रमुख कमल प्रसाद पाण्डेले जानकरी दिनुभयो । दोस्रो पटक फैलिएको संक्रमणबाट वालिङका १ सय ७३ जना संक्रमित भएका छन् जस मध्ये १ जनाको मृत्यु प्रमुख पाण्डेले बताउनु भयो ।
पछिल्लो पटक संक्रमित थपिने क्रम जारी छ । मंगलवार मात्रै १६ जना संक्रमित थपिएकाछन् ।

bed waling

 

 

Facebook Comments Box
यो पनि पड्नुहोस..  ३ वर्षमा वालिङबासी स्मार्ट बन्नुहुन्छ : नगरप्रमुख खाँण ।

ताजा अपडेट

धेरै कमेन्ट गरिएका