नेपालमा कोरोना संक्रमितको संख्या ५ लाख नाघ्यो

काठमाडौं : नेपालमा थप ८ हजार ९ सय ८० जनामा कोभिड–१९ संक्रमण देखिएको छ ।

१९ हजार ३ सय ५७ पीसीआर र ७ सय ४८ एन्टिजेन परीक्षण गर्दा ८ हजार ९ सय ८० जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोभिड संक्रमितको संख्या ५ लाख ५ हजार ६ सय ४३ पुगेको छ ।

यस्तै पछिल्लो २४ घण्टामा थप १ सय २९ जनाको मृत्यु भएपछि देशभर कोभिडबाट मृत्यु हुनेको संख्या ६ हजार १ सय ५३ पुगेको छ ।

सोही समयमा ८ हजार ८ सय ४८ जना निको हुँदा संक्रमणमुक्त हुनेको संख्यामा पनि वृद्धि भएको छ । मन्त्रालयका अनुसार देशभर ३ लाख ८३ हजार ६ सय ४८ जना व्यक्ति कोभिडमुक्त भएका छन् ।

देशभर १ लाख १५ हजार ८ सय ६ जना सक्रिय संक्रमित रहँदा ८ सय ६६ जना क्वारेन्टिनमा छन् ।

सक्रिय संक्रमितमध्ये १ लाख ८ हजार १ सय ३ जना होम आइसोलेसन, ७ हजार ७ सय ३ जना संस्थागत आइसोलेसन, १ हजार ७ सय ३२ जना आईसीयू र ५ सय २३ जना भेन्टिलेटरमा छन् ।

Facebook Comments Box