बिरुवा गाउपालिकामा १७ बेडको आइसोलेशन निर्माण

आँधीखोला समाचार डेस्क आँधीखोला समाचार डेस्क २२ बैशाख २०७८, बुधबार २०:४२

बिरुवा  : कोरोना महामारिको दोश्रो चरण बढेसङै बिरुवा गाउपालिकाले आइशोलेशन तथा क्वारेन्टाइन तयारी अबस्थामा राखेको छ । बिरुवा गाउपालिका वडा न ६ चिन्नेबास मा १२ बेड र बिरुवा स्वास्थ्य चौकी मा ५ बेड सहित कुल १७ बेडको आइसोलेशन बेड तयार पारिएको गाउपालिकाका प्रमुख प्रशासकिय अधिकृत कुलराज सुबेदिले बताउनु भयो । उहाँले हाल ११ वटा बेडको लागि अक्सिजन को समेत ब्यबस्था गरिएको र थप ६ वटा अक्सिजन सिलिन्डर खरिद प्रक्रीया अगाडि बढाइसकिएको समेत बताउनु भयो। बिरुवा गाउपालिकाले आइसोलेशनमा एमबिबिएस डक्टर र स्टाफ नर्स को समेत प्रबन्ध गरेको छ । सबै कोठाहरुमा सिसिटिभीको समेत ब्यबस्था रहेको र तिनिहरुलाइ मोनिटर मार्फत २४ सै घन्टा डक्टर को प्रत्यक्ष निगरानिमा रहने ब्यबस्था गरिएको छ । गाउपालिकाको आफ्नै एम्बुलेन्स समेत रहेको हुदा बिरामी हरुलाइ कुनै जटिलता आएमा तुरुन्त अस्पताल सम्म लैजाने प्रबन्ध समेत रहेको छ ।

आइशोलेसनको साथसाथै गाउपालिकामा ४५ बेडको क्वारेन्टाइनको समेत ब्यबस्था गरिएको छ । गाउपालिकामा दोश्रो चरणमा हाल सम्म ७ जना ब्यक्तिको PCR गरेकोमा ३ जनाको नतिजा पोजेटिभ आएको प्रशासकिय अधिकृत सुबेदिले बताउनु भयो । बाहिर बाट आउने ब्यक्तिहरुको सन्ख्या बढे सङै पुन PCR लाई व्यापक रुपमा बढाउन लागिएको पनि उहाले बताउनु भयो । गाँउपालिकाले बिदेश तथा देशका विभिन्न ठाउबाट आएका ब्यक्तिहरुलाइ हाल होम क्वारेन्टाइनमा बस्न प्रोत्साहन गरेको छ । तर ब्यक्तिहरु क्वारेन्टाइन मा बस्न इक्षुक भएमा सो को समेत प्रबन्ध समेत रहेको छ । हरेक वडामा होम आइसोलेशन अनुगमन तथा निगरानी समिती गठन गरि घरमै आइसोलेशनमा बसेका ब्यक्तिहरुको अबस्था बारे निरन्तर निगरानी राख्ने काम समेत गाउपालिकाले गरेको छ ।

Facebook Comments Box
यो पनि पड्नुहोस..  नेपालको प्रकृती र संस्कृतिको रक्षा गर्दै शिक्षामा जोड -भारतीय काउन्सुलर डा. शर्मा

ताजा अपडेट

धेरै कमेन्ट गरिएका