बिरुवा गाउँपालिकामा एमबिबिएस डाक्टर र एम्बुलेन्स सेवा शुरू ।

स्याङ्जा :

स्याङ्जाकाे बिरुवा गाउँपालिका एम्बुलेन्स सेवा सुरु भएको छ । गाउँपालिकाका अध्यक्ष चुनप्रसाद शर्माले गाडीको पूजा गरेर सेवा शुरुआत गर्नु भएकाे हो । नेपाल सरकारद्वारा राजश्व छुट प्राप्त एम्बुलेन्स खरिदमा गाउँपालिका को १०लाख १ हजार ३ सय ४८ रुपैया लागत रहेको गाउँपालिकामा अध्यक्ष शर्मा ले बताउनु भयो । एम्बुलेन्स सेवा शुरुवात सँगै बिरुवा गाउँपालिकाका बिरामीहरुलाई हरुले जटिल स्वास्थ्य समस्यामा स्याङ्जा बजार , पोखरा , बुटवल तथा काठमाण्डौ पुग्नको लागि सहज हुने देखिन्छ ।

यो सेवाको शुरुवात सँगै गर्भवती महिला हरुलाई स्वास्थ्य चेकजाँच गर्न तथा सुत्केरी हुने समयमा अस्पताल पुग्न समेत सहज हुने कुरा गाउँपालिकाका प्रमुख प्रशासकीय अधिकृत कुलराज सुवेदीले बताउनु भयो । बिरुवा गाउँपालिकाले यस आर्थिक वर्षमा एमबिबिएस डाक्टर सहितको कोभिँड अस्पताल समेत शुरू गरेको छ । गाउँपालिका वडा न ६ चिन्नेनासमा स्थापित उक्त अस्पतालमा एमबिबिएस डाक्टरको साथै दुई जना स्टाफ नर्स बाट समेत सेवा प्रवाह हुँदै आएको छ ।

स्वास्थ्य सेवालाई थप प्रभाव कारी बनाउन यसै वर्ष बाट आधारभूत स्वास्थ्य सेवा उपलब्ध नभएका दुई वडा हरुमा आधारभूत स्वास्थ्य केन्द्र समेत स्थापना भएको छ । यी सम्पूर्ण सेवाहरूको शुरुवात सँगै जनताको पहुँचमा आधारभूत स्वास्थ्य सेवा पुग्ने अपेक्षा गाउँपालिका गरेको प्रमुख प्रशासकीय अधिकृत सुवेदीले बताउनुभयो ।

।