कांग्रेस सांसद मोहन पाण्डेले लिए सपथ

आँधीखोला समाचार डेस्क आँधीखोला समाचार डेस्क ८ मंसिर २०७७, सोमबार १६:०९

काठमाडौं : नवनिर्वाचित सांसद मोहन पाण्डेलाई पद तथा गोपनीयताको सपथ लिएका छन्। सिंहदरबारस्थित सङ्घीय संसद् सचिवालयमा सोमबार आयोजित समारोहमा सभामुख अग्निप्रसाद सापकोटाले सपथ खुवाएका हुन्।

annapurna post

सो अवसरमा सभामुख सापकोटाले नवनिर्वाचित सांसद् पाण्डेलाई सघीय संसद्को प्रतीकचिह्न प्रदान गर्दै बधाई ज्ञापन समेत गरे । उनी समानुपातिक निर्वाचन प्रणालीमार्फत नेपाली कांग्रेसका तर्फबाट निर्वाचित भएका हुन्।

सांसद सूर्यबहादुर केसीको निधन भएपछि रिक्त स्थानमा निर्वाचन आयोगले उनलाई निर्वाचित गरेको हो । नेपाल विद्यार्थी सङ्घबाट २०३७ राजनीतिमा प्रवेश गरेका पाण्डे २०६४ सालको संविधानसभा निर्वाचनमा स्याङ्जाबाट विजयी भएका थिए।

शपथपछि सञ्चारकर्मीका जिज्ञासामा सांसद पाण्डेले लोकतन्त्रको सुदृढीकरण र सङ्घीय संसद्को गरिमा बढाउने काममा केन्द्रित रहेर आफूले भूमिका खेल्ने प्रतिक्रिया दिए।
उनले भने, ‘संसदको गरिमालाई उच्च बनाउँदै प्रतिपक्षको भूमिकालाई सशक्त बनाएर आमजनताका बीचमा जेजस्तो धारणा विकास भएको छ, त्यसलाई चिर्दै सशक्त प्रतिपक्षको उचाइ दिन म प्रयत्न गर्ने छु ।’

Facebook Comments Box
यो पनि पड्नुहोस..  नेकपा स्याङ्जाका अध्यक्ष गैह्रेद्वारा तीन पालिकालाई तीन लाख बराबरको खाद्यान्न सहयोग

धेरै कमेन्ट गरिएका