गल्याङमा एकै परिवारका तीन जनालाई कोरोना संक्रमण पुष्टी

 १४ मंसिर २०७७, आईतवार २१:१६   | आँधीखोला समाचार डेस्क

गल्याङमा एकै परिवारका तीन जनालाई कोरोना संक्रमण पुष्टी


गल्याङ : स्याङ्जाको गल्याङ नगरपालिका वडा नम्बर एक मालुङ्गामा एकै परिवारका तीन जनामा कोरोना संक्रमण पुष्टी भएको छ ।
साविकको मालुङ्गा गाविसमा एकै परिवारका तीन जनामा कोरोना संक्रमण पुष्टी भएको नगर प्रबक्ता तथा गल्याङ नगरपालिका १ का अध्यक्ष गणेशप्रसाद बस्यालले जानकारी दिनुभयो ।
उहाँले समुदाय स्तरमा कोरोना संक्रमण अझै फैलने डर भएकाले सुरक्षित रहन आग्रह गर्नुभएको छ ।
वडा नम्बर १ मालुङ्गामा एक हप्ता देखि गरिएको शिल (बन्द) खुला गरिए पनि संयमित रहन र विशेष साबधानी अपनाउन उहाँले आग्रह गर्नुभयो ।
बस्यालले भन्नुभयो –‘समुदाय स्तरमा कोरोना अझै फैलिएको हुन सक्ने भएकाले बजारमा अत्यावश्यक काम परे मात्रै निस्कन म सबैमा आग्रह गर्दछु ।’
संक्रमितहरुको स्वास्थ्य अवस्था भने सामान्य रहेको उहाँले जानकारी दिनुभयो ।
मलुङ्गामा एक व्यवसायीलाई कोरोना संक्रमण पुष्टी भएपछि कन्ट्रयाक ट्रेसिङका आधारमा एकै परिवारका तीन जनालाई कोरोना संक्रमण पुष्टी भएको हो ।
कन्ट्रयाक ट्रेसिङको कामलाई अझै विस्तार गर्दै लगिने बताइएको छ ।

Facebook Comments
यो पनि पड्नुहोस..  स्याङजामा पनि भेटियो डेङ्गु,के हो डेङ्गु ? यसबाट कसरी बच्ने ?

अन्तिम अपडेट: १४ मंसिर २०७७, आईतवार २१:१६





-->