स्याङ्जाका २४ वर्षीय कोरोना संक्रमित युवकको मृत्यु,थप ५ जना संक्रमित थपिए।

आँधीखोला समाचार डेस्क आँधीखोला समाचार डेस्क २९ कार्तिक २०७७, शनिबार १८:४८

स्याङ्जा : वालिङ नगरपालिकाका २४ वर्षीय पुरुषको कोरोनाका कारण शनिबार मृत्यु भएको छ । वालिङ १४ का पुरुषमा कात्तिक २७ गते कोरोना संक्रमण पुष्टि भएको थियो । संक्रमण पुष्टि भएपछि गण्डकी मेडिकल कलेज पोखरामा उपचार भइरहेको थियो ।

उपचारका क्रममा शनिबार उनको मृत्यु भएको गण्डकी प्रदेश स्वास्थ्य निर्देशक डा. विनोद विन्दु शर्माले जानकारी दिनुभयाे। योसँगै स्याङ्जामा कोरोना संक्रमणका कारण मृत्यु हुनेको संख्या ११ पुगेको छ।

यसैबीच, शनिबार स्याङ्जा थप ५ जनामा कोरोना संक्रमण पुष्टि भएको छ । वालिङ नगरपालिकाका ४ जना र पुतलीबजार नगरपालिकाका एक जनामा संक्रमण देखिएको हो। 

संक्रमण देखिनेमा वालिङ्की ३९ वर्षीया महिलासहित ५०, २८, ५० वर्षीय पुरुष र पुतलीबजारका ३३ वर्षीय पुरुष रहेको प्रादेशिक कार्यालय पोखराले जनाएको छ। 

योसँगै स्याङ्जामा कोरोना संक्रमितको संख्या ६ सय ४८ पुगेको छ। ती मध्ये ४ सय ९७ जना निको भएर घर फर्केका छन् भने १ सय ३७ जना विभिन्न आइसोलेशनमा उपचार गराइरहेका छन् । 

Facebook Comments Box
यो पनि पड्नुहोस..  गण्डकी प्रदेशमा बिहिबार १०३ संक्रमित थपिए, थप ४ को मृत्यु ।

ताजा अपडेट

धेरै कमेन्ट गरिएका