कक्षा १२ को परीक्षा मंसिर ९ गतेबाट, यस्तो छ तालिका

 ५ कार्तिक २०७७, बुधबार १७:२४   | आँधीखोला समाचार डेस्क

कक्षा १२ को परीक्षा मंसिर ९ गतेबाट, यस्तो छ तालिका

 राष्ट्रिय परीक्षा बोर्डले कोरोनाको महामारीका कारण रोकिएको कक्षा १२ को परीक्षा तालिका सार्वजनिक गरेको छ।

बुधबार बोर्डले आगामी मंसिर ९ गतेबाट परीक्षा सञ्चालन गर्नेगरी नयाँ परीक्षा तालिका सार्बजनिक गरेको हो।

गत वैशाख ८ गतेका लागि तय भएको परीक्षा कोरोनाको महामारीका कारण रोकिएको थियो।

कक्षा १२ मा देशभरबाट ४ लाख ३२ हजार परीक्षार्थी सहभागी हुँदैछन्। बोर्डका सदस्य सचिव दुर्गाप्रसाद अर्यालले अनुसार प्रत्येक विषयको सैद्धान्तिकतर्फ ४० प्रतिशतको छोटो परीक्षा, ४० प्रतिशत बराबर कक्षा ११ मा प्राप्त गरेको अंक र बाँकी २० प्रतिशत विद्यालयको आन्तरिक मूल्यांकनको आधारमा मान्यता दिने गरी कार्यविधि बनाइएको जानकारी दिए।

प्रयोगात्मक परीक्षा भने पहिले जस्तै यथावत् रहने अर्यालले जानकारी दिए।

बोर्डले दशैँ, तिहार र छठ लगायतका पर्व सकिएलगत्तै परीक्षा सञ्चालन गर्न लागेको हो। शनिबार पनि संचालन हुने परीक्षा मंसिर १६ गते सकिनेछ।

Facebook Comments
यो पनि पड्नुहोस..  स्याङजामा थपिए ४ जना सङ्क्रमित

अन्तिम अपडेट: ५ कार्तिक २०७७, बुधबार १७:२४





-->