एकैदिन थपिए १२२८ जना कोरोना संक्रमित, ६ जनाको मृत्यु।

नेपालमा पछिल्लो २४ घण्टामा थप १ हजार २२८ जनामा कोरोना भाइरसको संक्रमण पुष्टि भएको छ।

बिहीबारको स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले थप १ हजार २२८ जनामा कोरोना संक्रमण पुष्टि भएको बताउनु भयाे ।

प्रवक्ता गौतमका अनुसार आज संक्रमित हुनेमा ३९४ महिला र ८३४ जना पुरुष रहेनुका छन्।

योसँगै नेपालमा कोरोना संक्रमितको संख्या ४२ हजार ८७७ पुगेको प्रवक्ता गौतमले जानकारी दिनुभयाे ।

पछिल्लो २४ घण्टामा थप ६ जना कोरोना संक्रमितको मृत्यु भएको छ । योसँगै कोरोनाबाट मृत्यु हुनेको संख्या २५७ पुगेको छ ।

Facebook Comments Box