स्याङ्जा सहित गण्डकी प्रदेशमा थपिए ४० जना काेराेना संक्रमित ।

गण्डकी प्रदेश ४० जना काेराेना भाइरस संक्रमित थपिएका छन् ।

कास्कीकाे पाेखरामा १६ जना थपिएकाछन् । गण्डकी प्रदेश स्वास्थ्य निर्देशनालयले शुक्रबार विहान विज्ञप्ति जारी गरेर दिएकाे जानकारी अनुसार पाेखरामा थपिएका १६ जना मध्ये ७ जना नेपाल प्रहरीमा कार्यरत हुन् ।

यसैगरी नवलपुरमाा १७ जनालाई काेराेना संक्रमण पुष्टि भएकाे छ । ती मध्ये १६ जना गैडाकाेटका छन् भने १ जना देवचुलीका हुन् ।

त्यस्तै लमजुङमा ३ जना, स्याङ्जामा १ जना, बाग्लुङमा १ जना र तनहुँमा १ जनामा काेराेना संक्रमण पुष्टि भएकाे गण्डकी स्वास्थ्य निर्देशनालयले जनाएकाे छ ।

स्याङ्जामा थपिएका नयाँ संक्रमित कालीगण्डकी गाँउपालिकाका २८ बर्षीय पुरूष हुन् । शुक्रबार विहानसम्म गण्डकी प्रदेशमा संक्रमितकाे संख्या २ हजार ३ सय ५२ पुगेकाे छ ।