स्याङ्जाका कोरोना सङ्क्रमितको उपचारका क्रममा मृत्यु ।

स्याङ्जा :
स्याङ्जाका एक जना कोरोना सङ्क्रमितको उपचारका क्रममा पोखरामा मृत्यु भएको छ । पोखरा स्वास्थ्य विज्ञान प्रतिष्ठान, पश्चिमाञ्चल क्षेत्रीय अस्पताल अन्तर्गतको कोभिड १९ उपचार केन्द्रको आईसियुमा भर्ना भई उपचाररत बृद्धको मृत्यु भएको निर्देशक डाक्टर अर्जुन आचार्यले जानकारी दिनुभयो ।
स्याङ्जा पुतलीवजार नगरपालिका वडा नम्वर १ का ८५ वर्षीय पुरुषको आज बिहान साढे ६ बजे उपचारको क्रममा मृत्यु भएको अस्पतालले बताएको छ ।
मृतकमा २४ गते कोभिड १९ को संक्रमण पुष्टि भएको थियो अस्पतालले निकालेको बिज्ञप्तीमा उल्लेख छ । कोरोनाले प्रतिष्ठानमा उपचारको क्रममा मृत्यु हुने उनी दशौं संक्रमित रहेको अस्पतालले विज्ञप्ति मार्फत जनाएकाे छ ।