स्याङ्जा कारागारका एक कैदीमा कोरोना पुष्टी, एक सय पचास कैदी बन्दीमा त्रास

स्याङ्जा :
स्याङ्जा कारागारका एक कैदीमा कोरोना भाइरसको सङक्रमण भेटिएको छ । जबरजस्ती करणी मुद्धामा चार बर्षदेखि जिल्ला कारागारमा रहेका ६० बर्षिय एक कैदी बन्दीमा कोरोना पुष्टी भएको हो ।
कारागारका कैदीलाई एक हप्ताबाट ज्वरो तथा रुघाखोकी देखिएर औषधी खादाँ समेत निको नभएपछि आइतबार पीसीआर टेष्टको लागि स्वाब लिइएको थियो ।
कैदीबाट लिइएको स्वाब परीक्षणमा कोरोना भेटिएपछि निषेधाज्ञाका बिच थप त्रास फैलिएको छ । सुरक्षा प्रमुख सहित ४१ जना सुरक्षाकर्मीमा कोरोना देखि पछि जिल्लामा साउन १३ गतेबाट निषेधाज्ञा जारी रहेको छ ।
कारागारमा ३९ मुद्धाका १५० कैदी बन्दी बस्ने गरेका छन् भने प्रहरीमा कोरोना भेटिएपछि सुरक्षा समेत नेपाली सेनाले दिइएको छ ।
कैदीमा कारोना पुष्टी भएसँगै सुरक्षा दिईरहेका नेपाली सेना र नेपाली सेनाको गुल्ममा सङक्रमण पुग्न सक्ने जोखिम बढेको छ ।
प्रहरीमा कोरोना देखिएपछि भित्र बाहिर निश्कन बन्द गरेको बताउदै जेलर चुडा मणी भण्डारीले कसरी कोरोना पोजेटिभ कारागारमा पुग्यो अनौठो लागेको बताउनुभयो ।
सुरक्षाकर्मीमा कोरोनाा देखिएपछि हिरासद आउनेलाई पीसीआर गरेको बताउदै भण्डारीले नेगेटिभ नभएको कसैलाई पनि भित्र आउन नदिएको र भेट्न समेत नदिएको बताउनुभययो ।
कैदीमा सङक्रमण पुगेसगै स्याङ्जामा कोरोना सङक्रमितको संख्या ३०४ पुगेका छ भने १७२ जना निको भएर घर फिर्ता भएका छन् । कोरोनाका कारण दुई जनाको निधन भएको छ ।

भिडियो : किन घेरे महिलाहरुले प्रहरी, कसले बनायो वालिङका किसोर बेपत्ता, कपडा र मोबाईल भेटियो खोलाको तिरमा

Facebook Comments Box