स्याङ्जामा आज पनि थपिए १४ जना संक्रमित, स्याङ्जामा मात्रै ३७ पुग्यो ।

स्याङ्जा :
स्याङ्जामा आज एकै पटक १४ जना कोरोना संक्रमित थपिएकाछन् भने स्याङजा सहित गण्डकी प्रदेशमा ३८ जना थपिएकाछन् । स्याङ्जाको वालिङ नगरपालिका घर भई पालिका कै क्वारेन्टीनमा बस्दै आएका १३ जना र भीरकोट नगरपालिका घर भई पालिका कै क्वारेन्टीमा बस्दै आएका १ जनामा कोरोना संक्रमण पुष्टी भएको हो ।
संक्रमित पुष्टी हुनेहरुमा वालिङका २९,४९,३४,५२,३८,३१,२५,२७,४६,३७,२१,१८ र ३२ बर्षका पुरुष रहेकाछन् भने भीरकोट नगरपालिकाका ४५ बर्षका पुरुष रहेकाछन् ।
यो सँगै स्याङ्जामा संक्रमितको संख्या ३७ पुगेको छ ।
उनीहरु सबै भारतबाट आएका हुन् ।
प्रदेश स्वास्थ्य निर्देशनालयका अनुशार वाग्लुङ १० जना, गोरखाका १० जना र नवलपरासी सुस्ता पूर्बबा ४ जनामा कोरोना संक्रमण पुष्टी भएको हो ।
संक्रमित सबै जनालाइ आइसोलेसनमा लैजाने तयारी भइरहेको स्वास्थ्य निर्देशक तथा गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डाक्टर विनोदविन्दु शर्माले जानकारी दिनुभयो ।
योसहित गण्डकीमा कोरोना संक्रमितको संख्या ११३ पुगेको छ । ३ जना संक्रमित निको भएर घर फर्किएका छन् ।

.