स्याङ्जाकाे अर्जुनचाैपारीका ३ वर्षे बालकमा काेराेना

स्याङ्जा :

स्याङ्जामा ३ वर्षका १ बालकमा कोरोना संक्रमण देखिएको छ । अर्जुनचौपारी गाउँपालिकाका ३ वर्षे बालक संक्रमण पुष्टि भएको प्रदेश स्वास्थ्य निर्देश विनोदविन्दु शर्माले जानकारी गराउनु भयो । बालक आफ्ना अभिभावकसँग बस्दै आएकाछन् । गत १३ गते अर्जुनचौपारी बालक सहित ८ जनाको समुह आएको थियो । जस मध्ये बालकमा मात्रै संक्रमण भेटिएको हो ।
गण्डकी प्रदेशको स्याङ्जामा सबैभन्दा बढी संक्रमित भेटिएका छन् । त्यसमा पनिआज गल्याङ नगरपालिकाका धेरै संक्रमित भेटिएका हुन् । स्याङ्जामा ६० जनामा कोरोना पुष्टि भएको छ ।

तीमध्ये ३ जना निको भएर घर फर्केका छन् भने, २ जनालाई बिहीबार पोखरा ल्याइएको छ ।

स्याङ्जा जिल्ला अस्पताल र कालिका सामुदायिक अस्पतालमा आइसोलेसन वार्ड बनाएर बाँकीको उपचार भइरहेको छ ।

स्याङ्जाका १ जना पुरुषको कोरोनाबाटै मृत्यु भएको छ ।

Facebook Comments Box