गणतन्त्र दिवस : स्याङजाका २ कैदी-बन्दी छुटे

भवानी अधिकारी/स्याङ्जा : स्याङजा कारागारमा रहेका २ जना कैदीबन्दी रिहा भएका छन्। कारागार शाखामा रहेका खडानन्दी सुवेदी र डीलबहादुर थापाले ५० प्रतिशत कैद मिनाहा पाएर बिहीबार कारागारबाट छुटेका हुन् । 

तेह्रौं गणतन्त्र दिवसको अवसर पारेर सरकारले ५० प्रतिशत कैद सजाए मिनाह गरेको कारागार शाखा प्रमुख चुडामणी भण्डारीले जानकारी दिए । फेदिखोला गाउँपालिकाका सुवेदी जुवाताससम्बन्धी मुद्धामा र चापाकोट नगरपालिकाका डीलबहादुर थापा कर्तव्य ज्यान मुद्धा सम्बन्धमा ५० प्रतिशत सजाए माफ पाएर छुटेका हुन्। सुवेदी झण्डैं १० महिना र थापा ५ वर्ष कैद सजाए भोगिसकेका छन् । 

नेपालमा गणतन्त्र स्थापना भएको १३ वर्षमा प्रवेश गरेको छ ।सो अवसरमा बिहीबार १३ औँ गणतन्त्र दिवस मनाइँदैछ । पहिलो संविधानसभाको पहिलो बैठकले २०६५ जेठ १५ गते राजतन्त्र अन्त्य गरी नेपालमा गणतन्त्र घोषणा गरेको थियो । सोही दिनको सम्झनामा यो दिवस मनाउने गरिन्छ । 

.

स्याङ्जाकी कोरोना संक्रमित महिलालाई उपचारका लागि पोखरा लगियाे ।