गुल्मी-खेतमा पानी लगाउने विषयमा विवाद हुँदा १ जनाको मृत्यु ।

आँधीखोला खवर/गुल्मी :
खेतमा पानी लगाउने क्रममा विवाद हुँदा गुल्मीमा एक जनाको ज्यान गएको छ ।
मुसिकोट नगरपालिका–३, नौघाटे खेतमा पानी लगाउने क्रममा भएको विवादमा ४५ वर्षीय लक्ष्मण कुमालले धारिलो हतियार प्रहार गर्दा ५० वर्षीय मोतीलाल कुमालको ज्यान गएको हो ।
जिल्ला प्रहरी कार्यालय गुल्मीका प्रहरी उपरीक्षक दीपककुमार बस्नेतका अनुसार, बुधवार राति खेतमा पानी लगाउने क्रममा दुईबीच विवाद बढेपछि लक्ष्मणले मोतीलालमाथि खेतमै धारिलो हतियार प्रहार गरेका थिए । धारिलो हतियार प्रहारबाट उनको खेतमै मृत्यु भएको थियो । हत्यामा संलग्नलाई प्रहरीले नियन्त्रणमा लिएको छ । लक्ष्मणले हँसियाले प्रहार गरेर आफूले मोतीलालको ज्यान लिएको स्वीकारेका प्रहरीले जनाएको छ ।

Facebook Comments Box