स्याङ्जाको पानीस्वाँरामा पानीकै संकट ।

स्याङ्जा — भीरकोट नगरपालिका–८ सिर्कोटको अर्को नाम हो पानीस्वाँरा । यहाँ खानेपानीको संकट भने पुरानै छ । स्थानीय बेनकला रेग्मी एक घण्टा लगाएर कुवाबाट एक गाग्री पानी ल्याउँछिन् । वर्षामा आकाशे पानीको भर पर्नुपर्छ । ‘कुवामा पालो कुरेर एक गाग्री पानी ल्याउँदा बिहान बित्छ । आएर कतिबेला घरको काम गर्ने, मेलापात गर्ने । साह्रै समस्या छ,’ उनले भनिन् । 

स्थानीय स्वयंसेविका छविकला चापागाईंले गाउँको नाम पानीस्वाँरा रहे पनि पानीको सधैं अभाव हुने बताइन् । गाउँमा रहेका प्रहरी, स्वास्थ्य चौकी, विद्यालय र वडा कार्यालयले पनि खोजेको पानीले गर्जो टार्नुपर्छ ।
‘गाउँमा तीनवटा कुवा छन्,’ स्थानीय यामकला तिवारी भन्छिन्, ‘बेलाबेलामा कुवा सरसफाइ गर्छौं र खानका लागि प्रयोग गर्दै आएका छौं ।’ नुवाइधुवाइका लागि भने समस्या रहेको उनले बताइन् । सिर्कोटको १ सय ७७ घरधुरीको करिब ७ सय जनसंख्यालाई खानेपानीको संकट छ । वडाध्यक्ष भीमबहादुर गुरुङले वडाभर खानेपानीको समस्या भएको बताए ।
‘लिफ्टिङ गरेर पानी ल्याउने तयारी भइरहेकाले अझै केही समय अभाव हुनेछ,’ उनले भने, ‘गाउँबाट १ किलोमिटर ओरालोमा भएको मूलमा ट्यांकी बनाएर पानी ल्याउने तयारीमा छौं ।’ योजनामा बेलैमा बजेट विनियोजन भए आगामी आर्थिक वर्षबाट पानीको संकट हट्ने उनले बताए । एक घर एक धारा नभए २/३ घरको एउटा साझा धाराबनाउने योजना रहेको उनले सुनाए । कान्तीपु्र दैनिकबाट

Facebook Comments Box

सेरोफेरो

थप सामाग्री

स्याङ्जामा बाँदर आतंक ‘पाकेको बाली भित्राउनै पाउँदैनन् किसान’

सहकारीको ऋण समयमै चुक्ता नगरे कडा कानुनी कारबाही गरिने

वालिङले ‘एक स्वास्थ्य’ नीति लागू गर्ने

समाचार

थप सामाग्री
वालिङमा शिक्षक मेन्टरिङ तालिम सम्पन्न, नवप्रवेशी शिक्षकलाई प्रमाणपत्र
२ हप्ता अगाडि

वालिङ : वालिङ नगरपालिकाले शिक्षकहरूको पेशागत क्षमता अभिवृद्धि तथा विद्यालय शिक्षाको गुणस्तर सुधार गर्ने उद्देश्यले सञ्चालन गरेको शिक्षक मेन्टरिङ कार्यक्रम…

वालिङले ‘एक स्वास्थ्य’ नीति लागू गर्ने
२ हप्ता अगाडि
हल गोरु पाल्ने कृषकलाई पाँच हजार
२ हप्ता अगाडि
स्याङ्जामा सुरक्षित पर्यटक सचेतना अभियान
३ हप्ता अगाडि

Recent Posts

TOP