कुष्ठरोगीहरुको पहिचान गर्ने उद्देश्यले गल्याङमा छाला सम्वन्धी शिविर ।

नारायण विश्वकर्मा / गल्याङ् :
गल्याङ नगरपालिका ३ बल्पुकमा भएको निशुल्क स्वास्थ्य शिविरमा १ सय ३३ जनाले सेवा लिएका छन । नगरपालिकाका स्वास्थ्य शाखा संयोजक रामकृष्ण श्रेष्ठले ६४ जना महिला र १४ जना पुरुषले छालारोग सम्वन्धी परिक्षण गराएको जानकारी दिनुभयो । उहाँले कुष्ठरोगीहरुको पहिचान गर्ने उद्देश्यले छाला सम्वन्धी शिविरको आयोजना गरिएको भए पनि कसैमा त्यस्तो समस्या नदेखिएको बताउनु भयो । श्रेष्ठले ५२ जना महिलाले पाठेघरको मुखको क्यान्सर तथा पाठेघर खस्ने समस्याको चेकजाँच गराएको बताउनु भयो । पाठेघरको चेकजाँच गराएका महिला मध्य ६ जनामा पाठेघर खस्ने समस्या देखिएको भन्दै श्रेष्ठले उनीहरुलाइ रिङ प्रेसर दिएको बताउनु भयो । श्रेष्ठका अनुसार जिल्ला स्वास्थ्य कार्यालय स्याङ्जाकी सिनियर अनमी अधिकृत मिठुु ढकाल सहित तीन जनाको प्राविधिक समुहले पाढेघर खस्ने र लुम्वीनी मेडिकल कलेज प्रभास पाल्पाकी छालारोग विशेषज्ञ सर्मिला त्रिपाठी सहित तीन जनाको प्राविधिक समुहले छालाको चेक जाँच गरेका थिए । गल्याङ नगरपालिकाको ससर्त अनुदान एक लाख ५० हजारे वजेट विनियोजन गरि निशुल्क स्वास्थ्य सिविरको आयोजना गरिएको संयोजक श्रेष्ठको भनाइ छ । शिविरमा गल्याङ नगररपालिका अन्तर्गतका सर्वसाधारणले सेवा लिएका थिए ।

Facebook Comments Box