स्याङ्जा—स्वास्थ्य कार्यालयको पीडा कर्मचारी सरुवासँगै हराउँछन् तथ्यांक ।

स्याङ्जा — साबिकको जिल्ला स्वास्थ्य कार्यालयबाट सम्पादन भएका विभिन्न काम र कार्यक्रमको तथ्यांक कर्मचारी सरुवासँगै हराउने गरेको छ । कार्यलय केही महिनाअघि मात्र प्रदेश सरकार मातहत सञ्चालित छ ।
जिल्ला स्वास्थ्य कार्यालयमा तथ्यांक सहायक अधिकृतको जिम्मेवारी समाल्दै आएका राजेन्द्र पराजुलीको सरुवा भएपछि अन्यसँग कुनै तथ्यांक नभएको भन्दै कर्मचारी पन्छिने गरेका छन् । स्वास्थ्य कार्यालयका परिवार नियोजन अधिकृत मित्रप्रसाद अर्यालले कम्प्युटर फम्र्याट भएको र तथ्यांक सहायक अधिकृत अन्यत्र सरुवा भएकाले अन्य कर्मचारीसँग अभिलेख नभएको बताउनु भयो ।
‘आआफ्ना फाँटको जिम्मा आफूसँग हुने हो,’ अर्यालले भन्नुभयो, ‘हरेक कार्यक्रमको तथ्यांक राख्ने छुट्टै शाखा थियो । संघीयताले कर्मचारीलाई तितरबितर पार्यो । कतिपय कार्यालयमा भएर पनि मन लगाएर काम गरिएन । गत फागुनसम्म को कहाँ जाने भन्ने मात्र थियो । चैतमा कार्यालय स्थापना भएपछि केही संख्यामा कर्मचारी त छौं तर रनभुल्लमा छौं ।’
कार्यालयमा कार्यक्रम आएको छ । अख्तियारी पनि आएको छ तर कुन काम के गर्ने भन्ने प्रस्ट नहुँदा झन अन्योल थपिएको कार्यालयकी सिनियर अनमी शान्ति अर्याल बताउनुहुन्छ । ‘अहिले पनि कार्यालय आउने र जाने बाहेक अरू काम छैन,’ उहाँले भन्नुभयो ‘कार्यालय समयमा आउँछौं । दिनभरि खासै काम हुँदैन । यसो त्यसो गरेर समय बिताउँछौं र ५ बजेपछि घर फर्किन्छौं ।’ उहाँले जिल्ला स्वास्थ्य कार्यालय हुदाँको काम, व्यस्तता र फिल्ड हिंडिरहनुपर्दाको अवस्था सम्झँदै अहिले समय बिताउन पनि निकै गाह्रो हुने गरेको बताउनुभयो ।
‘पहिले स्वयंसेविका जिल्ला स्वास्थ्य कार्यालयले नै नियुक्ति गथ्र्याे,’ उहाँले भन्नुभयो ‘अहिले तिनै स्वयंसेविकाले हामी गाउँ जाँदा चिन्दैनन् । स्वास्थ्य शिविर लिएर गाउँगाउँमा पुग्दा कहाँबाट आउनुभएको हो भनेर प्रश्न गरिहाल्छ् ।’ अहिले स्वास्थ्य कार्यालयबाट गरिने कार्यक्रम खासै प्रभावकारी नभएको उहाँले बताउनुभयो ।
सुरक्षित मातृत्व कार्यक्रम अन्तर्गत कार्यालयकी फोकल पर्सन मीनाकुमारी पुन मगरले पनि जिल्ला स्वास्थ्य र स्वास्थ्य कार्यालयको परिभाषा मात्र नभई काम र व्यवहारमै फरक रहेको उहाँको भनाइ थियो ।

कार्यालयमा सहयोगी सहित १५ कर्मचारी छन् । उनीहरू सबै कार्यालय आउने हाजिर लगाउने र समय सकिएपछि घर फर्किनेबाहेक अन्यकाम नहुने कर्मचारी बताउँछन् ।विगतमा हुने व्यस्तता र अहिले हुने फुर्सदले कार्यालयमा कुनै काम नहुने बाध्यता छ । आजको कान्तिपुरमा समाचार छ ।

Facebook Comments Box

सेरोफेरो

थप सामाग्री

स्याङ्जामा बाँदर आतंक ‘पाकेको बाली भित्राउनै पाउँदैनन् किसान’

सहकारीको ऋण समयमै चुक्ता नगरे कडा कानुनी कारबाही गरिने

वालिङले ‘एक स्वास्थ्य’ नीति लागू गर्ने

समाचार

थप सामाग्री
वालिङमा शिक्षक मेन्टरिङ तालिम सम्पन्न, नवप्रवेशी शिक्षकलाई प्रमाणपत्र
३ हप्ता अगाडि

वालिङ : वालिङ नगरपालिकाले शिक्षकहरूको पेशागत क्षमता अभिवृद्धि तथा विद्यालय शिक्षाको गुणस्तर सुधार गर्ने उद्देश्यले सञ्चालन गरेको शिक्षक मेन्टरिङ कार्यक्रम…

वालिङले ‘एक स्वास्थ्य’ नीति लागू गर्ने
३ हप्ता अगाडि
हल गोरु पाल्ने कृषकलाई पाँच हजार
३ हप्ता अगाडि
स्याङ्जामा सुरक्षित पर्यटक सचेतना अभियान
३ हप्ता अगाडि

Recent Posts

TOP