गल्याङ नगरपालिकाका ११ वटै वडामा साक्षरोत्तर कार्यक्रम शुरु

नारायण विश्वकर्मा/गल्याङ्,

गल्याङ सामुदायिक सिकाई केन्द्र र गण्डकी प्रदेशको आयोजनामा गल्याङ नगरपालिकाका ११ वटै वडामा साक्षरोत्तर कार्यक्रम शुरु भएकोछ । पहिलो चरणमा वडा नम्बर–३, बाट साक्षरताको लागि कार्यक्रम सुरु गरिएको छ । पहिलो चरणको कार्यक्रममा धेरैजसो दलित समुदायको सहभागिता रहेको थियो । पाँच जना प्रशिक्षार्थी रहने साक्षरोत्तर कार्यक्रममा एउटा वडाबाट १५ जना सर्वसाधरण सहभागी हुन पाउने बताईएको छ ।
कार्यक्रममा गल्याङ सामुदायिक सिकाई केन्द्रका कार्यवाहक अध्यक्ष कुल वहादुर विश्वकर्माले सहभागीलाइ परिणाम आउने गरि सिप सिक्न आग्रह गर्नुभयो ।
उहाँले समाजमा पछि परेका समुदायहरुको आफ्नो क्षमता वृद्धिका लागि पनि यो अवसर भएको बताउनुभयो ।
कार्यक्रममा गल्याङ नगरकार्यपालिका सदस्य सुमित्रा खड्का, गल्याङ उद्योग वाणिज्य संघका सदस्य अनिल परियार (परिश्रमी), सिर्जना समर्थन आमा समुहकी अध्यक्ष सुकमाया सुनार लगाएतले बोलेका थिए । कार्यक्रममा सहजिकरण प्रकृति रानाभाटले गर्नुभएको थियो ।

सामुदायिक सिकाई केन्द्र गल्याङका सदस्य अर्जुन रानाभाटको सञ्चालनमा भएको कार्यक्रममा स्वागत मानव समानता आमा समुहकी अध्यक्ष प्रतिमा विश्वकर्माले गर्नुभएको थियो ।

Facebook Comments Box