दलित महिलाहरुलाई व्यवशायिक बनाउन सिलाई कटाई तालिम
आँधीखोला खबर/वालिङ:
वालिङ नगरपालिका वडा नम्वर १४ गैह्राटोलमा निशुल्क सिलाई कटाई तालिम शुरु भएको छ । स्थानीय सुभाष दलित महिला सिलाई कटाई बहुउद्देश्यीय सहकारी संस्थाका सदस्यहरुलाई लक्षित गरी तालिम शुरु भएको हो ।
युएनडिपी नेपाल र वालिङ नगरपालिकाको आर्थिक सहयोगमा दियालो संस्थाद्धारा वालिङमा सञ्चालित “सीप तालिम कृषि तथा उद्यम बिकासद्धारा आर्थिक सशक्तिकरण परियोजना अन्तरगत तालिम दिन शुरु गरिएको हो ।
तालिमको उद्घाटन गर्दै वडा नम्वर १४ का अध्यक्ष झम्मर बहादुर श्रेष्ठले व्यवशायीक रुपमा काम गर्न सक्षम हुने गरी सीप सिक्न आग्रह गर्नुभयो, उहाँले भन्नुभयो,सीप सिकेर दक्ष बनेपछि आर्थिक रुपमा अरुको भर परिरहनु पर्दैन । दलित,जनजाती तथा पछाडि परेको समुदायलाई नगरपालिकाले समेत बिशेष ध्यान दिएको भन्दै वडा अध्यक्ष श्रेष्ठले सीपयुक्त नागरिक बनाउन आफूहरुको जोड रहेको स्पष्ट पार्नु भयो ।
कार्यक्रममा बोल्दै वडा नम्वर १४ का समाजसेवी तथा युवा नेता बोधराज कुँवर राजुले सिपले जो कोहीलाई पनि आत्म निर्भर बनाउने बताउनु भयो ।
सुभाष दलित सिलाई कटाई बहुउद्देश्यीय सहकारी संस्थाका अध्यक्ष धनशुवा परियारको अध्यक्षतामा भएको कार्यक्रमको सञ्चालन दियालो युएनडिपीका बजारीकरण प्रमुख राजु खनालले गर्नु भएको थियो ।
१ महिना सम्म चल्ने तालिममा ३० जना दलित समुदायका महिलाहरुको सहभागिता रहेको छ ।




समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


