वालिङ २ र १२ मा व्यवशायीक कृषि तालिम शुरु
माघ,७ वालिङ :
वालिङ नगरपालिका वडा नम्वर २ र वडा नम्वर १२ मा व्यवशायीक सञ्चालन भएको छ । वालिङ २ मा सुन्तला तथा कागती खेती सम्वन्धी तालिम तथा वडा नम्वर १२ मा व्यवशायीक बाख्रा पालन सम्वन्धी तालिम सञ्चालन भएको छ ।
युएनडिपी नेपाल र वालिङ नगरपालिकाको आर्थिक सहयोगमा दियालो संस्थाद्धारा वालिङमा सञ्चालित “सीप तालिम कृषि तथा उद्यम बिकासद्धारा आर्थिक सशक्तिकरण परियोजना अन्तरगत तालिम प्रदान गरिएको हो ।
वडा नम्वर २ को सुन्तला तथा कागती खेती सम्वन्धी तालिमको उद्घाटन गर्दै वडा अध्यक्ष पोत प्रसाद लम्सालले व्यवशायीक सीपको सही सदुपयोग गर्न सकेमा आर्थिक रुपमा सवल बन्न सकिने धारणा राख्नुभयो । उहाँले वडाले व्यवशायीक कृषक बन्न चाहने सबैलाई वडाले सहयोग गर्ने जानकारी गराउनु भयो ।

कार्यक्रममा दियालो युएनडिपीका बजारीकरण प्रमुख गंगाधर खनालले कार्यक्रमको बारेमा जानकारी दिनुभयो । सो अवसरमा वडा सदस्य मैनादेवी कोईराला , प्रशिक्षक तथा वालिङ नगरपालिका कृषि शाखाका प्रमुख केश बहादुर थापा, दियालो युएनडिपीका कलेक्सन प्रमुख बिशाल बगाले लगायतले बोलेका थिए ।
त्यस्तै वडा नम्वर १२ मा भएको व्यवशायीक बाख्रा पालन सम्वन्धी तालिमको उद्घाटन गर्दै कार्यबाहक वडा अध्यक्ष लिलाबल्लौ न्यौपानेले बाख्रापालन व्यवशायमा पछिल्लो समय आकर्षण बढेको बताउनु भयो । उहाँले बाख्रापालन गर्दा सहजै बिक्रि हुने र राम्रो आम्दानी गर्न सकिने भन्दै व्यवशायीक रुपमा बाख्रा पालन गर्न सहभागीलाई आग्रह गर्नु भयो ।

कार्यक्रममा वालिङ नगरपालिकाका कार्यपालिका सदस्य तारा बहादुर बिक, दियालो युएनडिपी नेपालका परियोजना प्रमुख राधाकृष्ण डुम्रे, व्यवशायीक बाख्रा पालन सहकारीका अध्यक्ष यव प्रसाद न्यौपाने,अगुवा कृषक बलराम पराजुली,खेमकला भण्डारी,कमला न्यौपाने लगायतले बोलेका थिए । दुई ओटै तालिम बुधवार सकिने छ ।

समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


