राधा माधव समितिको आध्यात्मिक बनभोज एवं न्यानो बस्त्र बितरण
भवानी अधिकारी/स्याङ्जा :
राधा माधव समिति र डिभाइन यूथ क्लव स्याङ्जाको संयुक्त आयोजना भ्रमण बर्ष २०२० लाई प्रवद्र्धन एवं प्रचार गर्ने उदेश्ले शनिवार बनभोज तथा न्यानो बस्त्र बितरण कार्यक्रम गरेको छ ।
पुतलीबजार नगरपालिका ४ स्थित रमणीय पर्यटकीय स्थल अन्र्तगत हरियाली भ्यू टावरमा आध्यात्मिक बनभोज एवं अमोर नेपाल बालगृहका बालबालिकालाई न्यानो कपडा प्रदान गरिएको हो ।
पुतलीबजार ४ का वडाअध्यक्ष ओमबहादुर खड्काले बालबालिकालाई न्यानो कपडा हस्तान्तरण गर्दै धार्मिक संस्थाको रुपमा स्थापित समितिले समाजसेवामा पनि सक्रियता बढाएको बताउदै यस्ता कार्यलाई निरन्तरता दिन राधा माधव समितिलाई सुझाव दिनुभयो । अध्यक्ष खड्काले आचरण, संस्कृति र संस्कारको जगेर्ना गर्दै युवाजगतमा देखिएको धार्मिक, सामाजिक, संस्कृतिक क्षेत्रमा प्रभाव राम्रो पर्ने जनाउनुभयो ।

कार्यक्रममा राधा माधव समितिका संयोजक धनप्रसाद कोइराला, अध्यक्ष झलकराम अर्याल, पत्रकार महासंघका अध्यक्ष ओमप्रकाश शर्मा, अमोर नेपाल बालगृहका अध्यक्ष कमला पराजृुली, बालिका अमृता गुरुङ लगायतले राधा माधव समितिले बिगतका बर्षदेखि पुरयाउदै आएको सेवा र सहयोगका बारेमा जानकारी गराउनुभएको थियो ।
डिभाइन युथ क्लबका अध्यक्ष पुजा अधिकारीको अध्यक्षतामा सम्पन्न कार्यक्रममा समितिका सचिव खगेन्द्र सुवेदीले स्वागत एवं डिभाइन युथ क्लवका सचिव रुद्रनारायण ढकालले संचालन गर्नुभएको थियो ।
फेदिखोला गाउपालिकामा अवस्थित अमोर बालगृहमा आश्रीत २० जना बालबालिकालाई जनही एक जोर (ज्याकेट, सुट र टोपी ) सहितको न्यानो बस्त्र प्रदान गरिएको हो ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


